කාත්තාන්කුඩිහිදී අත්බෝම්බ 04ක් හමුවේ

මඩකලපුව කාත්තාන්කුඩි පොලිස් වසමට අයත් ආරයම්පදි කිච්චාන්පලම්හි පාලු ඉඩමක තිබී අත්බෝම්බ 04ක් සොයාගැනීමට හැකිවූ බව කාත්තාන්කුඩි පොලිසිය පවසයි.

නිවසක අත්තිවාරම අසල ගසක් කපමින් සිටි කුලීකරුවන් පොලිතීන් කවර දෙකක ඔතා තිබූ මෙම අත්බෝම්බ 4ක් දැක හමුදාවට දන්වා ඇතැයි පොලීසිය සඳහන් කරයි.

පසුව හමුදාව විසින් සිදුවීම පොලීසියට දැන්වීමෙන් අනතුරුව අත්බෝම්බ 04ක් සොයාගත් අතර, 81 වර්ගයේ බෝම්බ දෙකක් ජේ.ආර්. වර්ගයේ බෝම්බ දෙකක් එහිදී හමුවූ බව පොලීසිය වැඩිදුරටත් සඳහන් කරයි.

සිදුවීම පිළිබඳව කාත්තාන්කුඩි පොලීසිය වැඩිදුර විමර්ශන කටයුතු සිදුකරනු ලබයි.

මඩකලපුව - ජවුෆර්කාන්