කලුතර ප්‍රහාරයට යොදාගත් අවියක් සොයාගනියි

කළුතර ප්‍රදේශයේදී බන්ධනාගාර රථයට වෙඩි තැබීම සඳහා භාවිත කළ බවට සැකකරෙන ටී 56 වර්ගයේ ගිනි අවියක්, මැගසින් එකක් සහ උණ්ඩ 48 ක් කොළඹ අපරාධ කොට්ඨාසය විසින් ඊඅද (27දා) අත්අඩංගුවට ගෙන තිබේ.

සිද්ධිය සම්බන්ධයෙන් අත්අඩංගුවට ගත් කුරුප්පුගේ චතුරංග පුෂ්පකුමාර මෙන්ඩිස් නොහොත් බන්ටි නැමැත්තාගෙන් සිදුකළ ප්‍රශ්න කිරීමේදී මෙම අවිය හා උණ්ඩ මැගසින් එක අත්අඩංගුවට ගෙන තිබේ.

බත්තරමුල්ල තලංගම, රොබට් ගුණවර්ධන මාවතේ පිහිටි සැකකරුගේ නිවසේ තුන්වැනි මහලේ ගඩොල් ගොඩක සඟවා තිබියදී මෙම අවිය හා පතොරම් මැගසින් සොයාගෙන තිබේ.