කටුනායක ගුවන් යානයක හෙරෝයින්

කටුනායක ගුවන්තොටුපලට ඩුබායි සිට ගුවන් යානයක තිබියදී එක්කොටි හතලිස් ලක්ෂයක් වටිනා හෙරොයින් හමුවූ බව ගුවන් තොටුපල රේගුව සඳහන් කරයි.

ගුවන් යානයෙන් මඟීන් බැස ගිය පසු එහි කාර්යමණ්ඩලය විසින් ගුවන් යානය පරීක්ෂා කිරීමේදී එහි වැසිකිලියේ අති පාර්සලයක් දැක ගුවන්තොටුපල රේගුව දැනුවත් කල බව එම රේගුව සඳහන් කරයි.

ඒ අනුව එම පාර්සලය පරීක්ෂා කිරීමේදී එහි තිබී හෙරොයින් කිලෝ 1යි ගැරෑම් 400ක් හමුවූ බව ගුවන් තොටුපල රේගුව වැඩිදුරටත් සඳහන් කරයි.

මේ සිදුවීම සම්බන්ධයෙන් ගුවන් තොටුපල රේගුව වැඩිදුර විමර්ශන කටයුතු සිදුකරනු ලබයි.