එයාර් ෆෝස් සම්පත් අල්ලයි

තෙලවල ප්‍රදේශයේදී  තරුණයෙකු වෙඩි තබා ඝාතනය කිරීමේ සිද්ධියට සම්බන්ධ බව කියන ප්‍රධාන පාතාල පෙළේ රෝහණ නැමැති නායකයාගේ ගෝලයෙකු වන එයාර් ෆෝස් සම්පත් නැමැත්තා අද (19දා) අත්අඩංගුවට ගෙන තිබේ. 

සැකකරු සන්තකයේ තිබී ජීව උණ්ඩ 20 ක්, අත්බෝම්බ දෙකක්, පිස්තෝල රඳවනයක්, යුද හමුදා ලාංඡනය සහිත කැප් තුනක්, යුද හමුදා ඇඳුම් කට්ටල 05 ක් සොයගෙන තිබේ. 

මෙම ඝාතනය සම්බන්ධයෙන් පොලීසියට ලද තොරතුරකට අනුව අත්අඩංගුවට ගත්  සැකකරුගෙන් ප්‍රශ්න කිරීමේදී අඟුලාන ප්‍රදේශයේ ත්‍රිරෝද රථ රියදුරෙකුගේ  සම්බන්ධ තොරතුරුද අනාවරණය වී තිබේ.

ඒ පිළිබඳව පරීක්ෂණ කටයුතු ගල්කිස්ස කොට්ඨාස අපරාධ විමර්ශන අංශය විසින් සිදුකරයි.