එ.ජා.ප- මුස්ලිම් කොංග්‍රස් එක්වීමෙන් එ.ජා.ප පාක්ෂිකයන්ට අසාධාරණයක් වන බවට පක්‍ෂ මූලස්ථානයට පැමිණිල්

මාතලේ මහ නගර සභාව සඳහා එක්සත් ජාතික පක්ෂය සමග  මුස්ලිම් කොංග්‍රසය එක්ව තරග කිරීමෙන් එක්සත් ජාතික පාක්ෂිකයන්ට හා එහි අපේක්ෂකයන්ට අසාධාරණයක් සිදුවන බව සඳහන් පෙත්සමක් පක්ෂ නායකත්වයට යොමු කර තිබේ.

මාතලේ මහ නගර සභා බල ප්‍රදේශයේ එක්සත් ජාතික පක්ෂයට වාසි සහගත කොට්ඨාස සඳහා මුස්ලිම් කොංග්‍රසයේ නියෝජිතයන් පත්කිරීමෙන් එම අසාධාරණය සිදුවන බවට එම කොට්ඨාසයන්හි එක්සත් ජාතික පාක්ෂිකයන් විසින් එම පෙත්සම් එක්සත් ජාතික පක්ෂ නායක අගමැති රනිල් වික්‍රමසංහ මහතා ඇතුළු පක්ෂ බලධාරීන් වෙත ලිඛිතව ඉදිරිපත් කර ඇතැයි හිටපු නාගරික මන්ත්‍රී යූ.එල්.එම්. ලතිබ් මහතා සඳහන් කළේය.

මාතලේ - රවින්ද්‍ර විරාජ් අබයසිරි