උමා ඔය බහු විනාශකාරී ව්‍යපෘතියට එරෙහිව පක්ෂයක් ඡන්දයටත් එයි
බණ්ඩාරවෙල මහ නගර සභාවට හා ප්‍රාදේශීය සභාවට උමා ඔය බහු විනාශකාරී ව්‍යපෘතියට එරෙහි ජනතා පෙරමුණ විසින් ස්වාධීන කණ්ඩායම් 2ක් ඉදරිපත් කළ බවත් බදුල්ල දිස්ත්‍රික්කයේ අනෙක් පළාත් පාලන ආයතන සඳහා ජනතා විමුක්ති පෙරමුණ තරග කරන බවත් ඌව පළාත් සභා මන්ත්‍රී (ජ.වි.පෙ) සමන්ත විද්‍යාරත්න මහතා පැවසීය.
අදාළ ස්වාධීන කණ්ඩායම සඳහා ඇප මුදල් තැන්පත් කිරීමෙන් පසු මාධ්‍යවේදීන් අමතමින් විද්‍යාරත්න මහතා පවසා සිටියේය.
එහිදී වැඩිදුරටත් අදහස් දැක්වූ විද්‍යාරත්න මහතා,
"මහින්ද රාජපක්ෂ රජය ආරම්භ කළ උමා ඔය නීතිවිරෝධී ව්‍යපෘතිය වත්මන් ජනපති හා අගමැති විසින් ඉදිරියට කරගෙන යාම නිසා බණ්ඩාවෙල මහ නගර සභාවේ හා බණ්ඩාරවෙල ප්‍රාදේශීය බල ප්‍රදේශයන්හි ජනතාව දැඩි පීඩාවට පත්ව සිටිනවා. ඔවුන් පක්ෂ හා ජාති බේදවලින් තොරව අවුරුදු 3ක් තිස්සේ මේ විනාශයට එරෙහිව සන්ධාන ගතවී සිටින බැවින් ඔවුන් මේ සටනේ පෙරමුණගෙන සිටිනවා.
එනිසා මෙම ස්වාධීන කණ්ඩායමට ස්ථිර වශයෙන්ම විශිෂ්ට ජයග්‍රහණයක් ලැබෙනවා. මෙම ජයග්‍රහණය මේරටේ හිටපු සහ වත්මන් පාලකයන්ගේ ඇස් පාදන මෙවැනි විනාශාකාරි ව්‍යාපෘති නොකරන ලෙසට බලකරන පාඩමක්." යැයි ද පවසා සිටියේය.
බදුල්ලේ පාලිත ආරියවංශ , ඇල්ල ප්‍රසාද් රුක්මල් සහ ලුණුගල ප්‍රසන්න පත්මසිරි
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
