ඉන්දු - ශ්‍රී ලංකා යුද අභ්‍යාසයක්

ඉන්දියා - ශ්‍රී ලංකා මිත්‍රත්වය වර්ධනය කරගැනීමේ අරමුණින් 'මිත්‍ර ශක්ති' නමින් යුද අභ්‍යාසයක් පැවැත්වීමට ශ්‍රී ලංකා යුද හමුදාව තීරණය කර තිබේ.

මෙම යුද අභ්‍යාසය එළඹෙන 23 වැනිදා සිට 30 වැනිදා දක්වා මොණරාගල සහ හම්බන්තොටදී පැවැත්වෙන අතර, ඒ සඳහා ඉන්දීය සෙබළුන් 40ක්ද, ශ්‍රී ලංකාවේ යුද, නාවික සහ ගුවන් හමුදාව නියෝජනය කරමින් සෙබළුන් 200ක්ද සහභාගී වීමට නියමිත බව යුද හමුදා මාධ්‍ය ප්‍රකාශක බ්‍රිගේඩියර් ජයනාත් ජයවීර මහතා පැවසීය.

අද (19දා) පැවැති මාධ්‍ය හමුවේදී ඔහු මේ බව පැවසීය.