ඉන්දීය ධීවරයින්ට සමාව දීමට තීරණයක් නෑ

ජාත්‍යන්තර මත්කුඩු ජාවාරමට සම්බන්ධ වීම හේතුවෙන් කොළඹ මහාධිකරණය විසින් මරණීය දඬුවම නියම කළ ඉන්දීය ධීවරයින්ට සමාව දීමට තීරණයක් ගෙන නැති බව ජනපති මාධ්‍ය ප්‍රකාශක මොහාන් සමරනායක මහතා සඳහන් කරයි.

මොහාන් සමරනායක මහතා ද හින්දු පුවත්  පතට පවසා තිබෙන්නේ ඊයේ (12දා) වන තෙක්ම එවැනි තීන්දුවක් ගෙන නැති බවයි.

විදුලිසන්දේශ හා තොරතුරු තාක්ෂණ නියෝජ්‍ය අමාත්‍ය ප්‍රභා ගනේෂන් මහතා හා ජනපති අතර ඊයේ (12දා) පැවැති හමුවකින් අනතුරුව ඉන්දීය ධීවරයින්ට ජනපති සමාව ලබාදීමට ජනපති මහින්ද රාජපක්ෂ මහතා එකග වූ බව නියෝජ්‍ය ඇමතිවරයා හින්දු පුවත් සේවයට පවසා තිබුණි.

කෙසේ වෙතත් මෙහිදී ජනපතිවරයාගේ අවධානය යොමුව ඇත්තේ  ඉන්දීය ධීවරයින්ට ලබාදුන් මරණ දඬුවම ජීවිතාන්තය දක්වා වූ සිර දඬුවමක් බවට පත්කිරීමේ හැකියාව පිළිබඳව බව ජනපතිට කිට්ටු වාර්තා උපුටා දක්වමින් හින්දු පුවත් සේවය සඳහන් කරයි.