අලුත්ගම අනතුරින් එක් අයෙකුට දිවි අහිමියි

කඹුරුපිටිය ප්‍රදේශයේ සිට යතුරු පැදියකින් කොළඹ බලා යමින් සිටි තරුණ යුවළක් අද (14දා) අලුයම අලුත්ගම මොරගල්ල ප්‍රදේශයේදී අනතුරට ලක්වීමෙන් එක් අයෙකු ජීවිතක්‍ෂයට පත්ව ඇතැයි අලුත්ගම පොලීසිය පවසයි.

ඔවුන් ගමන්ගත් යතුරු පැදිය තාප්පයක ගැටීමෙන් මෙම අනතුර සිදුව ඇති බව පොලීසිය සඳහන් කරන අතර, අනතුරින් බරපතළ තුවාල ලැබූ යතුරු පැදිකරු ජීවිතක්‍ෂයට පත්ව තිබේ.

මේ අනතුරින් බරපතළ තුවාල ලැබූ කාන්තාව කළුතර නාගොඩ රෝහලේ ප්‍රතිකාර ලබන බවද පොලීසිය පැවසීය.

සිද්ධිය සම්බන්ධයෙන් අලුත්ගම පොලීසිය වැඩිදුර පරීක්ෂණ පවත්වයි.

අලුත්ගම - තුසිත කුමාර ද සිල්වා