අද දිනටත් විමල් අඛණ්ඩ උපවාසයේ

බන්ධනාගාර ගතව සිටින පාර්ලිමේන්තු මන්ත්‍රී විමල් වීරවංශ මහතා අද (28දා) වනවිට 07 වැනි දිනටත් උපවාසයේ නිරත වන බව බන්ධනාගාර දෙපාර්තමේන්තුව සඳහන් කරයි.

තමන්ට ඇප ලබාදෙන ලෙස රජයට බලකරමින් ඒ මහතා අහාර වර්ජනය කරමින් උපවාසය ආරම්භ කර ඇති අතර, මේ හේතුවෙන් රෝගාතුරවූ ඒ මහතා බන්ධනාගාර රෝහලට ඇතුළත් කිරීමට බන්ධනාගාර නිලධාරීන් පසුගියදා කටයුතු කරන ලදී.

ඒ අනුව රොහල් ගතව සිටින වීරවංශ මහතාගේ සෞඛ්‍ය තත්ත්වය පිළිබඳව අවධානයෙන් පසුවන බවත්, බන්ධනාගාර රෝහලේ වෛද්‍යවරුන්ගේ නිර්දේශ මත ඉදිරි ක්‍රියාමාර්ග ගන්නා බවත් බන්ධනාගාර දෙපාර්තමේන්තුව වැඩිදුරටත් සඳහන් කරයි.