2015න් පසුව ඇන්ජලෝගෙන් ලංකාවේදී ටෙස්ට් ශතකයක්

සිය ටෙස්ට් දිවියේ 11 වැනි ශතකය වාර්තා කිරීමට ඇන්ජලෝ මැතිව්ස් සමත්වූයේය. ඒ ගාල්ල ක්‍රීඩාංගණයේදී සංචාරක එංගලන්ත කණ්ඩායමට එරෙහිව පැවැත්වෙන දෙවැනි ටෙස්ට් තරගයේදීය.

ඇන්ජලෝ ශ්‍රී ලංකාවේදී ටෙස්ට් ශතකයක් වාර්තා කළේ 2015 වසරෙන් පසුව වන අතර ඔහු ගාල්ල ජාත්‍යන්තර ක්‍රීඩාංගණයේදී ශතකයක් වාර්තා කළේ පළමු අවස්ථාවටය.

අද තරගයේ පළමු දිනය වන අතර ශ්‍රී ලංකා කණ්ඩායම මේ වන විට කඩුලු 4ට ලකුණු  209ක් රැස්කරගෙන සිටියි.