අද පස්වරු 6 සිට හෙට උදෑසන 8 දක්වා කල්මුණේ, සමන්තුරේ හා චවලකඩේ යන ප්‍රදේශ වලට යළි පොලිස් ඇඳිරි නීතිය පනවා තිබේ.

රට තුළ ඇතිව තිබෙන වත්මන් වාතාවරනය හා සාමාන්‍ය මුස්ලිම් ජනතාවට ඇතිව තිබෙන තත්ත්වය පිළිබඳ සාකච්ඡා කිරීමට ශ්‍රි ලංකා ජමියද්දුල් උලාමා සභාවේ මුස්ලිම් නියෝජිතයින් පිරිසක් ඊයේ (28) සවස මන්නාරම් රදගුරු එමානුවේල් ප්‍රනාන්දු හිමිපාණන් හමු විය.

කඩවත සිට කිරිදිවිට දක්වා ගනේමුල්ල පාර හා සියලු අතුරු මාර්ගවල අද (29) සවස 6යේ සිට හෙට සවස 6 දක්වා පැය 24ක ජල සැපයුම අත්හිටුවයි.

රටේ පවතින මේ අර්බුදකාරී තත්ත්වය තුරන් කිරීම සදහා ජනාධිපති, අගමැති මෙන්ම විපක්ෂ නායකතුමා මේ වනවිට අනුගමනය කරන එකමුතු වැඩපිළිවෙල වඩාත් වැදගත් . ආගම, ආර්ථිකය මෙන්ම ආරක්ෂක පැත්තෙන් දක්ෂයෝ ඉන්න තැනක, අදක්ෂයින්ට බාරදීලා කටයුතු කිරීම මේ රටේ තිබෙන දුර්වලතාවයක්. එය වහාම නිවැරදි කළයුතුයි’’ යැයි විදුලිබල,බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා පවසයි.

ගෘහ සේවය සඳහා කුවේටය වෙත ගොස් සිටියදී , එරට හාම්පුතුන්ගේ හිරිහැර , කරදර වලට භාජනය වූ ශ්‍රි ලාංකික කාන්තාවන් 57 ක් අද (29) දින උදෑසන කටුනායක ගුවන් තොටුපළ වෙත පැමිණ තිබුණි .

කිලිනොච්චිය, කනගාම්භිකුලම් මුස්ලිම් දේවස්ථානය අසල ගෙවත්තක තිබී ටී.56 වර්ගයේ පතුරොම්, ජංගම දුරකථන ඇතුළු විද්‍යුත් උපකරණ තොගයක් අද (29) සොයාගත් බව කිලිනොච්චිය ආරක්ෂක අංශ පවසයි.

විවිධ ප්‍රදේශවල පදිංචි,මුස්ලිම් කාන්තාවන් 22 කගෙ,ජාතික හැදුනුම්පත් තමා සන්තකයේ තබා ගෙන සිටි,පුද්ගලයෙකු කල්පිටිය පල්ලිවාසල්තුරේ නිවාස පරීක්ෂාවකදී ඊයේ (28) දින,කල්පිටිය පොලීසිය විසින් අත්අඩංගුවට ගෙන ඇත.

නව ආරක්ෂක ලේකම් ලෙස හිටපු යුද හමුදාපති ජෙනරාල් එස්.එච්.එස්. කෝට්ටේගොඩ (විශ්‍රාමික) මහතා පත් කර තිබේ.

ජනාධිපතිවරයා විසින් පොලිස්පති පූජිත් ජයසුන්දර අනිවාර්ය නිවාඩු යවා ඇතැයි වාර්තා වේ.

මොකුත් කියන්න ඕනේ නැහැ. වෙසක්, පොසොන්. මේ ප්‍රශ්න ඉවර වෙනකන්, කිසිම උත්සවයක්. කිසිම පින්කමක්. කරන්න දෙන්න එපා ලංකාවේ. පන්සල් පනහකට මරාගෙන මැරෙන ප්‍රහාරයක් එල්ල කරන්න නියමිතව තියෙනවා. ඒ තොරතුරු ඕනි නම් ගන්න එන්න බන්ධනාගාරයට යැයි පූජ්‍ය ගලගොඩඅත්තේ ඥානසාර හිමියන් සඳහන් කරයි.

කිලිනෝච්චිය ධර්මපුරම් පොලිස් වසමට අයත් ගම්මානයකින් යුද හමුදා නිල ඇඳුම් වලට සමාන ඇඳුම් තොගයක් හා ජංගම දුරකතන කිහිපයක් තිබී අත්අඩංගුවට ගෙන ඇති බව ධර්මපුරම් පොලීසිය කියා සිටියි.

වව්නියාව පණික්කන්කුලම් ප්‍රදේශයට ඊයේ (28) රාත්‍රියේ ඇදහැළුණු වර්ෂාවත් සමඟ බලපෑ සුලි කුනාටුවක් හේතුවෙන් නැවත පදිංචි නිවාස 30කට ආසන්න ප්‍රමාණයකට හානි සිදුව ඇති බවට එම වැසියෝ ප්‍රකාශ කරති.

වැලිපැන්න රාමියා ප්‍රදේශයේ දී මුස්ලිම් ගම්මානයක අද (29) පෙරවරු 10ට පමණ ගුවන් යානා නාශක උණ්ඩ 5ක් සහ ඩෙටනේටරයක් බස්නාහිර පළාත් බුද්ධි අංශ පොලිස් සැරයන්වරයෙකුට ලද තොරතුරක් මත සොයාගෙන ඇතැයි කළුතර කොට්ඨාස භාර පොලිස් අධිකාරි නිල්මිණි ආරියරත්න මහතා පැවසීය.

වැඩබලන පොලිස්පතිවරයා ලෙස ජ්‍යෙෂ්ඨ නියෝජ්‍ය පොලිස්පති සී.ඩී. වික්‍රමරත්න මහතා ද, ආරක්ෂක අමාත්‍යාංශයේ උපදේශකවරයෙකු ලෙස හිටපු පොලිස්පති එන්.කේ. ඉලංගකෝන් මහතා පත් කර තිබේ.

ෆේස්බුක් ප්‍රකාශකයෙකු ’අද’ පුවත්පතට දන්වා සිටියේ ඔවුන් මේ දුක්ඛදායක අවස්ථාවේ සහ ඉන් පසුවත් රටේ ප්‍රජාව සමග සිටින බවයි.

නීතිපති ජයන්ත ජයසූරිය මහතා නව අගවිනිසුරුවරයා ලෙස ජනාධිපති මෛත්‍රීපාල සිරිසේන මහතා විසින් පත් කර ඇත.

දෙහිවල කෝටිපති ව්‍යාපාරික නිවසක හා තවත් ව්‍යාපාරික නිවසක තිබි කඩු හයක් සමඟ සම ව්‍යාපාරිකයින් දෙදෙනෙකු අත්අඩංගුවට ගත් බව පොලීසිය පවසයි.

චීන රජය මෙරට විදේශ සහ ආරක්ෂක අමාත්‍යාංශ මෙන්ම පොලිස් මූලස්ථානය දැනුවත් කරමින් ශ්‍රී ලංකාවෙන් ඉල්ලීමක් කරයි.

පොලිස් විශේෂ කාර්ය බලකාය හා ලුනුගල පොලීසිය විසින් ලුනුගල බටාවත්තේදී කළ සෝදිසි මෙහෙයුමකදී නාවික හා යුධ හමුදා නිලඇදුම් රෙදි කැබලි තුනක් ළග තබාගෙන සිටි 41 හැවිරිදි මුස්ලිම් ජාතිකයෙක් අද (29) දා අත්අඩංගුවට ගත් බව ඌව දිසාව බාර නියෝජ්‍ය පොලිස්පති ජගත් පළිහක්කාර මහතා පැවසීය .

ඒ අනුව බුලත්සිංහල ප්‍රදේශයේ ඈගල්ඔය ප්‍රදේශයේ පුද්ගලයන් දෙදෙනෙකු සතුව තිබී ග්‍රෑම් 02 මිලිග්‍රෑම් 270ක් සහ ග්‍රෑම් 250 මිලිග්‍රෑම් 250ක් මෙන්ම වැල්ලම්පිටිය මීතොටමුල් ප්‍රදේශයේදී ග්‍රෑම් 40 මිලිග්‍රෑම් 750 සමග සැකකරුවන් දෙදෙනෙකුද අත්අඩංගුවට ගෙන ඇත.

මාවනැල්ල නගරයේ ඇති වෙළෙඳ සැල් විශාල ප්‍රමාණයකින් සමන්විත තට්ටු ගොඩනැගිල්ලක ඉහළ මහලේ හටගත් ගින්නක් පැතිර යෑමට පෙර මාවනැල්ල ප්‍රාදේශිය සභාවේ ගිනි නිවන ඒකකය විසින් නිවාදැමිමට ඊයේ ( 28) රාත්‍රියේ දි සමත් වි තිබේ.

විශේෂයෙන් හාල්, සීනි, පරිප්පු, ටින්මාලු, අල සහ ලූණු මේන්ම එළවලු හා මාංශ මිලද මේ කූට ව්‍යාපරිකයන් අධික මිලකට අලෙවි කරන බවත් කල් ඉකුත්වූ භාන්ඩද පාරිභෝගිකටන්ට අලෙවි කිරීමට උත්සහ ගන්නා බවද නිවේදනයක් නිකුත් කරමින් ඔවුන් සඳහන් කරන අතර මේ සඳහා ඉක්මන් වැඩපිලිවෙලක් සකසා පාරිභෝගික අයිතින් ආරක්ෂා කරන ලෙස ඔවුන් වැඩිදුරටක් ඉල්ලා සිටියි.

මොවුන් ඉරාක, නයිජීරියා, ඉන්දියා සහ තායිලන්ත ජාතිකයින් වන අතර අද දින මොවුන් අධිකරණ වෙත ඉදිරීපත් කිරීමට නියමිත අතර පොලීසිය විසින් වැඩිදුර විමර්ශන සිදු කරනු ලබයි.

අනන්‍යතාවය තහවුරු කිරීමේ මූලික නිර්නායකය වන්නේ පුද්ගලයෙකුගේ මුහුණ පැහැදිළි ලෙස නිරාවරණය කිරීමේ අවශ්‍යතාවය බව එම නියෝගය තුළින් තව දුරටත් පැහැදිළි කර තිබේ.

ෆේස්බුක් ඇතුළු සමාජ මාධ්‍ය ජාල අඩවි වාරණය ශ්‍රී ලංකා රජය මගින් ඉවත් නොකළහොත් එම සමාජ මාධ්‍ය සමාගමේ සේවාවන් ශ්‍රී ලාංකික ජනතාවට වෙත ලබානොදී සිටීමට කටයුතු කළහැකි බව ශ්‍රී ලංකා පරිවර්තන සමූහය පවසයි.

විපක්ෂ නායක මහින්ද රාජපක්ෂ මතා හා හිටපු ආරක්ෂක ප්‍රධානීන් අතර රටේ මේ වනවිට උද්ගතවී ඇති ආරක්ෂක තත්වය පිළිබඳව විශේෂ සාකච්චාවක් අද (28දා) පස්වරුවේ ඔහුගේ විජේරාම නිල නිවසේදී පැවැත්වීය.

වනාතවිල්ලුව කරඩිපුවල් ප්‍රදේශයේ ලැක්ටෝ වත්ත වතුයායේ සඟවා තිබු ටී 56 ගිනිඅවියක් පිස්තෝල කිහිපයක් හා මෙරට නිෂ්පාදනය කරන ලද ගිනිඅවි කිහිපයක් සොයා ගැනිමට අපරාධ පරික්ෂණ දෙපාර්තමේන්තුවේ නිලධාරින් කණ්ඩායමක් ඊයේ (27 ) සමත්ව තිබෙන බව පොලිස් ආරංචි මාර්ග පවසයි .

පාස්කු ඉරිදා දින ප්‍රහාර මාලාවේ මහමොළකරු ලෙස සැලකෙන සහරාන් හෂීම්ගේ පියා හා සහෝදරයින් දෙදෙනෙකු කල්මුණේ සයින්දමරුදු ප්‍රදේශයේ ආරක්ෂක අංශ සමඟ සිදුවූ වෙඩි හුවමාරුවේදී මියගොස් ඇති බවට අනාවරණය වී ඇත.

යාපනය නාවන්තුරෙයි ආසාත් මාර්ගය පහේ මන්සන්ධිය ආසන්නයේ සිදුකළ සෝදිසි මෙහෙයුමකදී තෙමහල් නිවසක පොළව අභ්‍යන්තරයේ සකසා තිබූ භූගත බංකරයක් බවට සැකකළ හැකි ස්ථානයක් අද (28) සොයා ගත් බව යාපනය පොලිස් විශේෂ කාර්ය බළකාය පවසයි.