චීනයෙන් සිගරට් ගෙන්වීමට කටයුතු කළහොත් ලෝක සෞඛ්‍ය සංවිධානය විසින් දුම්කොළ ආශ්‍රිත නිෂ්පාදන අධෙර්යමත් කිරීමට සිදුකරන වැඩපිළිවෙළට බාධා වන බව ලෝක සෞඛ්‍ය සංවිධානයේ ශ්‍රී ලංකා කාර්යාලය සඳහන් කරයි.

ජාත්‍යන්තර පිටියේ වේගයෙන්ම ලකුණු 20000 රැස්කළ (ටෙස්ට්/එක්දින හා විස්සයි20) ක්‍රිකට් ක්‍රීඩකයා ලෙස ඉන්දීය නායක විරාත් කෝලි වාර්තා අතරට එක්විය.

යාපනය මූල්‍ය ආයතනයක සේප්පුවක තිබී රුපියල් කෝටියකට අධික (රුපියල් 111,691,991) උකස්කරන ලද රන් භාණ්ඩ ඒවා උකස් කළ පුද්ගලයන්ට ලබාදීමට කටයුතු කළ එම ආයතනයේ හිටපු කළමනාකරු අත්අඩංගුවට ගත් බව පොලීසිය පවසයි.

රුපියල් ලක්ෂ 50ක් පමණ වටිනා අයිස් නැමැති මත්ද්‍රව්‍ය තොගයක් කටුනායක ගුවන් තොටුපළෙන් පිට කිරීමට තැත් කළ ඉන්දීය ජාතිකයෙකු අද (27) දින උදෑසන 9.00 ට පමණ ගුවන් තොටුපළ පැමිණීමේ පර්යන්තයේ දී අත්අඩංගුවට ගෙන ඇති බව වැඩබලන රේගු මාධ්‍ය ප්‍රකාශක , රේගු අධිකාරී ලාල් වීරකෝන් මහතා පැවසීය .

‘කාන්තා සනීපාරක්‍ෂක තුවා සහ ආරක්‍ෂිතව බැහැර කරන අනෙකුත් ජෛව අපද්‍රව්‍ය කාර්යක්‍ෂමව දහනය කිරීමේ යන්ත්‍රයට’ ඉංජිනේරු අංශයේ රිදි පදක්කම හිමිවිය.

දුම්රිය අත්‍යාවශ්‍ය සේවාවක් බවට පත්කිරිමේ අතිවිශේෂ ගැසට් නිවේදනය නිකුත් කර තිබුණත් සැලසුම් කළ පරිදි අද (27දා) මධ්‍යම රාත්‍රියේ සිට එක්දින වැඩ වර්ජනය ක්‍රියාත්මක කරන බව දුම්රිය වෘත්තීය සමිති සඳහන් කරයි.

නව ආගමන හා විගමන පාලක ජනරාල් ලෙස පත්කළ පසන් රත්නායක මහතා සිය ධුරයේ අද (27) වැඩ ආරම්භ කළේය. 2017 වසරේ සිට අතිරේක ආගමන හා විගමන පාලක ජනරාල් ලෙස කටයුතු කළ පසන් රත්නායක මහතා ශ්‍රී ලංකා පරිපාලන සේවයේ ජ්‍යෙෂ්ඨ නිලධාරියෙකු වෙයි.

පාස්කු ඉරිදා ත්‍රස්ත ප්‍රහාරයෙන් පසුව සිදුකළ සෝදිසි කිරිම්වලදි පුද්ගලයින් 2389 දෙනෙකු අත්අඩංගුවට ගෙන තිබෙන බව සංවර්ධන උපාය මාර්ග හා ජාත්‍යන්තර වෙළෙඳ නියෝජ්‍ය අමාත්‍ය නලීන් බණ්ඩාර මහතා පාර්ලිමේන්තුවේදී අද (27) පැවසීය.

රගර් ක්‍රීඩක වසීම් තාජුඩීන් ඝාතන සිදුවීමේ සැකකරුවකු වශයෙන් සැකපිට අත්අඩංගුවට ගෙන රිමාන්ඩ් බාරයට පත් කොට සිටි නාරාහේන්පිට පොලිසියේ අපරාධ විමර්ශන අංශයේ හිටපු ස්ථානාධිපති පොලිස් පරීක්‍ෂ සුමිත් චම්පික මහතා මෙම නඩුවේ පැමිණිල්ලේ ප‍්‍රධාන සාක්කිකරු වශයෙන් නම් කොට ඇත.

පැලැම්පිටිය සිට යටියන්තොට දක්වා ධාවනය වූ අවිස්සාවේල්ල ලංගම ඩිපෝවට අයත් බස් රථයක් අද උදෑසන 8.15 ට පමණ වී ඔය ප්‍රදේශයේදි ප්‍රපාතයකට පෙරළි යාමෙන් එහි ගමන් ගත් මගීන් 30 දෙනෙක් තුවාල ලබා කරවනැල්ල මූලික රෝහලට ඇතුලත් කර ඇතැයි යටියන්තොට පොලීසිය පවසයි.

සෑම පැයකදීම අවම වශයෙන් දෙදෙනෙකුගේ පමණ ජීවිත අනතුරු නිසා රටට අහිමි වන බව සෞඛ්‍ය අමාත්‍යාංශයේ අනතුරු නිවාරණ අංශයේ විශේෂඥ වෛද්‍ය සමිත සිරිතුංග මහතා පැවසුවේය.

හෙට (28දා) පොළොන්නරුව, මඩකලපුව, අම්පාර හා මොණරාගල දිස්ත්‍රික්කවල ඇතැම් ස්ථානවලට උණුසුම් දර්ශකය මිනිස් සිරුරට දැනෙන උණුසුම වැඩි අවධානය යොමුකළ යුතු මට්ටමක පවතින බව කාලගුණ විද්‍යා දෙපාර්තමේන්තුව පවසයි.

බෝල බැඩ්මින්ටන් ක්‍රීඩාව ශ්‍රී ලංකාවේ නව ක්‍රීඩාවක් වශයෙන් ජාතික ක්‍රීඩා පනතට ඇතුළත් කර තිබේ.

ජීව උණ්ඩ 46ක් ළඟ තබා ගැනීමේ සිදුවීමක් සම්බන්ධයෙන් ගම්පහ මහේස්ත්‍රාත් අධිකරණයේ වරෙන්තු නිකුත් ව සිටි ඔස්මන් ගුණසේකර හා ඔහුගේ බිරිඳ කටුනායක ගුවන් තොටුපොළේදී අත්අඩංගුවට පත්ව තිබේ.

ජනපති මෛත්‍රීපාල සිරිසේන මහතා මරණ දඬුවම ක්‍රියාත්මක කිරිමට ගෙන ඇති තීරණයට එරෙහිව ජාත්‍යන්තරව පෙත්සමක් අත්සන් කිරීම ආරම්භ කිරීමට ජාත්‍යන්තර ක්ෂෙමා සංවිධානය කටයුතු කර තිබේ.

එක්දින ක්‍රිකට් පිටියේ පසුගිය වසර 09ක කාලය තුළ වැඩිම යෝකර් පන්දු යැවූ පන්දු යවන්නන් අතර පෙරමුණ ගැනීමට ශ්‍රී ලංකාවේ ලසිත් මාලිංග සමත් වී ඇත.

තමන්ගේ ජූනි මස වැටුපට අදාළව වෛද්‍ය දීමනා හා අතිකාල දීමනා ආදි අමතර දීමනා නොලැබීම නිසා මහනුවර හා හඟුරන්කෙත ප්‍රදේශවල ජනතා වතු සංවර්ධන මණ්ඩලයට අයත් තේ වතු අටක එකසිය පනහක් පමණ වන කාර්ය මණ්ඩලය අද දින (27) වැඩ වර්ජනයක් දියත් කොට ඇත.

දකුණු අප්‍රිකාවට එරෙහිව ඩර්හැම්හි රිවර්සයිඩ් ක්‍රීඩාංගණයේ හෙට (28දා) පැවැත්වෙන තරගයේදී කාසියේ වාසිය වඩාත් තීරණාත්මක වන බව ශ්‍රී ලංකා කණ්ඩායමේ ප්‍රධාන පුහුණුකරු චන්දික හතුරුසිංහ මහතා පැවසීය. දකුණු අප්‍රිකාවට එරෙහිව පැවැත්වෙන තරගය පිළිබඳව හතුරුසිංහ මහතා වැඩිදුරටත් මෙසේ අදහස් දැක්වීය.

දකුණු අප්‍රිකානු ජනාධිපති සිරිල් රම්පෝෂා මහතා ජී.- 20 සමුළුවට සහභාගී වීම සදහා ජපානය බලා යන අතරතුර , කෙටි සංචාරයක් සදහා අද (27) දින උදෑසන කටුනායක බණ්ඩාරනායක ජාත්‍යන්තර ගුවන් තොටුපළ වෙත පැමිණියේය .

දුම්රිය සේවාව අත්‍යාවශ්‍ය සේවාවක් බවට පත්කිරිමට අදාළ අති විශේෂ ගැසට් නිවේදනය ජනපති ලේකම් කාර්යාලය විසින් නිකුත් කර තිබේ.

ඉන්දියාවේ කල්කටාවේ පිහිටි හෝමියෝපති ජාතික ආයතනය මගින් වාර්ෂිකව පිරිනමන හෝමියෝපති වෛද්‍ය උපාධි ශිෂ්‍යත්ව පාඨමාලාව හැදෑරීම සඳහා සෞඛ්‍ය, පෝෂණ හා දේශීය වෛද්‍ය අමාත්‍යාංශයේ දේශීය වෛද්‍ය අංශය මගින් අයදුම්පත් කැඳවා ඇත.

ජනපති මෛත්‍රීපාල සිරිසේන මහතා මරණ දඬුවම ක්‍රියාත්මක කිරිමට ගෙන ඇති තීරණය සම්බන්ධයෙන් එංගලන්තය සිය විරෝධය දක්වා තිබේ.

යුද සමයේදී කොටි සංවිධානය විසින් මුලතිව් පුදුකුඩිඉරිප්පු ප්‍රදේශයේ වලදැමූ රත්තරන් ගොඩ ගැනීම සඳහා සුඛෝපභෝගී කාර් රථවලින් පැමිණි සැකකරුවන් 14 දෙනෙකු අධිබලැති ස්කෑනින් යන්ත්‍රයක් ඇතුළු තවත් උපකරණ රැසක් සමඟින් අද (27) අලුයම අත්අඩංගුවට ගත් බවට පුදුකුඩිඉරිප්පු පොලීසිය පවසයි.

ඔහු පවසන්නේ මරණ දඬුවම යනු විසඳුමක් නොවන බවයි. එසේම ශ්‍රී ලංකා ජනතාවට මීට වඩා හොඳ දේවල් ලැබිය යුතු බවත් ඔහු ප්‍රකාශ කරයි.

ආහාර සුරක්ෂිතතාවය පිළිබඳව නව නිර්ණායක සහ රේගුලාසි 2020 ජනවාරි මස 1වනදා සිට ක්‍රියාත්මක කරන බව සෞඛ්‍ය පෝෂණ හා දේශීය අමාත්‍ය දොස්තර රාජිත සේනාරත්න මහතා පවසයි.

හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව තවත් පැමිණිලි 10ක් ඊයේ (26දා) දිනයේදී ඇමෙරිකාවේ කැලිෆෝනියා ප්‍රාන්තයේ මධ්‍යම දිස්ත්‍රික් අධිකරණයට ඉරිපත් කර තිබේ.

රක්වාන, පොතුපිටිය ප්‍රදේශයේ පාසලක ගොඩනැගිල්ලක් ඉදිකිරීම සඳහා අත්තිවාරමක් කපමින් සිටි කම්කරුවන් පිරිසක් මතට පස් කණ්ඩියක් කඩා වැටීමෙන් සිදුවූ අනතුරකින් දෙදෙනෙකු ජිවිතක්ෂයට පත්ව ඇතැයි පොලීසිය පවසයි.

හිටපු නියෝජ්‍ය ‌පොලිස්පති අනුර සේනානායක මහතාට කොළඹ මහාධිකරණය විසින් අධිචෝදනා බාර දුන්නේය.

මේ වසරේ ගතවූ මාස 7කට ආසන්න කාලයේදී හෙරොයින් කිලෝ 1029ක් අත්අඩංගුවට ගෙන ඇති බව පොලිස් මාධ්‍ය ප්‍රකාශක කාර්යාලය සඳහන් කරයි.