මාස 18 කට වැඩි කාලයක් පුරාවට අභියෝගාත්මක සහ දුෂ්කර ශාරීරික හා මානසික පුහුණු ක්‍රමවේදයන්ගෙන් සමන්විත පාඨමාලාව සාර්ථකව නිම කළ නිලධාරීන් හත්දෙනෙකු සහ සෙසු නිලයින් 175 දෙනෙක් මෙහිදී විසිර ගියහ.

කොබෙයිගනේ ප්‍රදේශයේ දැදුරු ඔයේ අද (29දා) අලුයම වැලි ජාවාරමක් වැටලීමට ගිය පොලිස් නිලධාරීයෙකු ටිපර් රථයකට යටකර ඝාතනය කොට පළාගිය සැකකරු නිකවැරටිය නගරයේ දී අත්අඩංගුවට ගත් බවත්, ටිපර් රථය කුලියාපිටිය ප්‍රදේශයේ දමා ගොස් තිබියදී සොයා ගත් බවත් නිකවැරටිය මූලස්ථාන පොලීසිය පවසයි.

කුරුණෑගල මහනගර සභාවේ සෞඛ්‍ය වෛද්‍ය නිලධාරි කාර්යාලය විසින් පසුගිය 24 වන දින කුරුණෑගල නගරයේ ප්‍රධාන වීදි වල ව්‍යාපාරික ස්ථාන වල සේවකයන් සඳහා කරන ලද පීසීආර් පරීක්ෂණ වලින් තවත් අලුත් කොරෝනා ආසාදිතයින් 16 දෙනෙකු පිළිබඳව තහවුරු වී තිබේ.

සංචාරකයින්ට රට කඩිනමින් විවෘත කිරීම සම්බන්ධයෙන් සෞඛ්‍ය හා සංචාරක බලධාරීන් අතර ද්විපාර්ශවික හමුවක් සංවිධානය කෙරේ. මෙම සතිය තුල අදාල හමුව පැවැත්වීමට අපෙක්ෂා කරන බව සංචාරක ඇමති ප්‍රසන්න රණතුංග පවසයි.

මහනුවර පැරණි බෝගම්බර බන්ධනාගායේ පවත්වාගෙන යන රිමාන්ඩ් සිරකරු නිරෝධායන මධ්‍යස්ථානයේ නිරෝධායනය වෙමින් සිටි රැඳවියන් සිව්දෙනකු (29) මධ්‍යම රාත්‍රියේ එම ස්ථානයෙන් පැන යාමට උත්සාහ කළ අවස්ථාවේදී බන්ධනාගාර නිලධාරීන් අහසට වෙඩි තබා ඔවුන් මෙල්ල කොට නිලධාරීන්ගේ භාරයට ගෙන තිබේ .

කොවිඩ් ආසාදිත රැදවියෙකු පොළොන්නරුව බන්ධනාගාරය තුලින් ඊයේ දින හමු වු බව පොළොන්නරුව ප‍්‍රාදේශීය සෞඛ්‍ය සේවා අධ්‍යක්‍ෂ වෛද්‍ය ඩබ්ලිව්.කේ.ඩබ්ලිව්.එස්. කුමාරවංශ මහතා පවසයි.

ස්වයං නිරෝධායනයට යොමු කර සිටි සිවුදරු මවක් ඊයේ (28දා) දින අලුයම මිය ගොස් ඇති බව බගවන්තලාව සෞඛ්‍යය නිලධාරි කාර්යාලයේ මහජන සෞඛ්‍යය පරික්ෂකවරුන් පැවසිය.

එක්සත් ජාතික පක්ෂය රටේ ප්‍රජාතන්ත්‍රවාදය ආරක්ෂා කළ පක්ෂය බවත් සියලු දෙනාම නැවත එක්සත් ජාතික පක්ෂය ශක්තිමත් කරමින් ප්‍රජාතන්ත්‍රවාදී දේශයක් ගොඩනැගීම වෙනුවෙන් කැපවිය යුතු බවත් එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා පැවැසීය.

මහනුවර ජාතික රෝහලේ උගුර,කන හා නාසය පිළිබඳ ප්‍රතිකාර ඒකකයේ වෛද්‍යවරයෙකු හෙද නිලධාරිනියන් නව දෙනෙකු ඇතුළු 19 දෙනෙකුට කොවිඩ්-19 වෛරසය ආසාදනය වී තිබෙන බව පී.සී.ආර් පරීක්ෂණ මගින් තහවුරු වුවත් රෝහලේ සෙසු වැඩකටයුතු සාමාන්‍ය පරිදි පැවැත්වෙන බව මහනුවර ජාතික රෝහලේ වැඩ බලන අධ්‍යක්ෂ ඉරේෂා ප්‍රනාන්දු මහත්මිය පැවසිය.

ඊයේ දිනයේදී වාර්තා වූ කොවිඩ් ආසාදිතයන් 487 දෙනා අතරින් වැඩිම පිරිසක් කොළඹින් වාර්තා වී තිබේ. ඒ අනුව කොළඹ දිස්ත්‍රික්කයෙන් වාර්තා වී ඇති ආසාදිතයන් සංඛ්‍යාව 223කි.

නොවැම්බර් මාසේ සති තුනකට අපි දේශන පවත්වලා තියෙනවා 7000 ක්. ඒ සඳහා සිසුන් සහභාගි වී තිබෙනවා මිලියන 3.5 ක් . මේක වෙස්වලාගෙන ආපු ආශිර්වාදයක් යන්න පුළුවන් .

යාපනය නගරයේදී මහවිරු සැමරුමක් සූදානම් කලේ යැයි සැක පිට අත්අඩංගුවට පත් පූජකවරයාට රුපියල් ලක්ෂයක ශරීර ඇපයක් මත මුදා හැරීමට යාපනය මහෙස්ත්‍රාත් පීටර් පොල් මහතා විසින් ඊයේ (28) දින නියෝග කරනු ලැබීය.

හැටන් විදුලි පාරිභෝගික සේවා මධ්‍යස්ථානය යටතේ පාලනය වන හැටන් ගාමිණිපුර ප්‍රදේශයට අධි බලැති විදුලි ධාරිතාවක් ගලා ඒම නිසා එම ප්‍රදේශයේ විදුලි පාරිභෝගිකයන් රැසකගේ විදුලි උපකරණ පෙරේදා (27දා) පිලිස්සි ඇති බව එම පාරිභෝගිකයන් පැවසිය.

තලවකැලේ, කොටගල හා පතන ප්‍රදේශවල වතු ආශ්‍රිතව කොවිඩ් වෛරසය ආසාදිත පුද්ගලයන් සිවු දෙනෙකු ඊයේ (28) හඳුනා ගත් බව සෞඛ්‍ය අංශ නිලධාරීහු පවසති.

දකුණු පළාතෙන් වාර්තාවන කොරෝනා ආසාදිත රෝගින්ගේ සංඛ්‍යාව 266 දක්වා වැඩිවි ඇති බැව් දකුණුපළාත් කොවිඩ් මෙහෙයුම් සම්බන්ධිකරණ මධ්‍යස්ථානයේ සම්බන්ධිකරණ නිලධාරි චාමර මහගමගේ මහතා පවසයි.

බිරිඳ ධනාත්මක වූ පසුව, අග්‍රාමාත්‍යවරයා සඳහා පසුව සිදුකළ පරීක්ෂාව සෘණාත්මක වුවත්, වැඩිදුර ආරක්ෂාව සඳහා හෙතෙම දින 10ක නිරෝධායනයකට යොමුව ඇති අතර, ඔහු නිවසේ සිට වැඩ කරන බව රජය නිවේදනය කරයි.

ඉල් පුර පසළොස්වක පොහෝ දිනය අදට (29) යෙදී තිබේ.

විවිධ රටවල රැකියා වලට ගොස් ශ්‍රී ලංකාවට පැමිණීමට නොහැකිව රැදී සිටි ශ්‍රී ලාංකිකයන් පිරිසක් රජයේ විශේෂ අවසරය මත සහ තවත් පිරිසක් ශ්‍රී ලංකාවට කණ්ඩායම් වශයෙන් ගෙන්වන වැඩසටහන යටතේ ත් වශයෙන් ශ්‍රී ලාංකිකයන් 488 දෙනෙකු 11/29 දින අලුයම කටුනායක ගුවන් තොටුපළ වෙත පැමිණ තිබේ .

කොළඹ දිස්ත්‍රික්කයේ මට්ටකුලිය, වෙරළබඩ පොලිස් වසම හා පිට කොටුව යන පොලිස් බල ප්‍ර දේශ හා ගම්පහ දිස්ත්‍රික්කයේ මීගමුව හා රාගම යන පොලිස් බල ප්‍ර දේශවල හුදෙකලා තත්ත්වය ඉවත් කිරීමට නියමිතය.

ජර්මනියේ ඉහළම වෛරස විද්‍යාඥයා පවසන්නේ, ’G’ විකෘතිය ලෙස ලෙස හැඳින්වෙන ඉතාලියේ වෛරස මාදිලිය නව කොරෝනා වෛරසයේ ජාන විකෘති වූවක් වන අතර, චීනයේ කොවිඩ්-19 වෛරසය පැතිරීමේ කේන්ද්‍රස්ථානය වූ වූහාන් හිදී හමුවූ ප්‍රභේදයට වඩා මෙම වෛරසය බොහෝ සෙයින් බෝවන වෛරසයක් බවය.

බයෝ එන්ටෙක් සහ ෆයිසර් එන්නත භාවිත කරන පළමු වැනි ප්‍රතිශක්තිකරණ ක්‍රියාවලිය 2020 දෙසැම්බර් 7දා සිට සිදුවිය හැකි බව නම් නොකළ මූලාශ්‍ර උපුටා දක්වමින් බ්‍රිතාන්‍ය මාධ්‍ය අනාවරණය කරයි.

ශ්‍රී ලංකා ප්‍රිමියර් ලීග් පන්දු වාර 20 තරඟාවලියට අදාලව කළම්බු කිංග්ස් කණ්ඩායම සහ ගෝල් ගැලැඩියේටර්ස් අතර තරඟයේ ජය කළම්බු කිංග්ස් කණ්ඩායමට හිමි විය.

70 දශකයෙන් පසුව ප්‍රථම වරට චන්ද්‍ර පෘෂ්ඨයෙන් පාෂාණ සාම්පල රැගෙන ඒමද මෙම මෙහෙයුමේ කොටසක් වන අතර, ඒ සමග එක්සත් ජනපද හා සෝවියට් චන්ද්‍ර මෙහෙයුම්වලින් පසුව එය සිදුකරන තෙවැනි රට බවටද චීනය පත්වනු ඇත.

වසංගතය පිටුදැකීමට මේ මොහාතේ රටකට වඩාත් තීරණාත්මක අමාත්‍ය ධුරයක් ලෙස බ්‍රිතාන්‍ය අගමැති බොරිස් ජොන්සන් විසින් මෙම එන්නත් අමාත්‍ය ධුරය හැඳින්වූ අතර, කොන්සර්වේටිව් දේශපාලඥයෙකු වන නදීම් සහාවි ඒ සඳහා පත්කර තිබේ.

ගෝලීය වශයෙන් නව කොරෝනා වෛරසය ආසාදිත මරණ සංඛ්‍යාව 1,450,000 සීමාවට පැමිණ, ආසාදිතයන් සංඛ්‍යාව 62,000,000ක් පසුකර ඇති අතර, වෛරසය හමුවේ එදිනෙදා කටයුතු කළද මුඛ ආවරණ, දෑත් සේදීම හා සමාජ දුරස්ථභාවය නොමැතිව කිසිලෙසක නොහැසිරෙන්නැයි අනතුරු ඇඟවීම්.

කොවිඩ් 19 ආසාදනය වූ තවත් ආසාදිතයන් 213ක් වාර්තා වී තිබේ. මෙම සියලු දෙනාම පෑළියගොඩ කොවිඩ් පොකුරට සම්බන්ධ ආශ්‍රිතයින් වෙයි.

අද දිනයේදී තවත් කොවිඩ් මරණ දෙකක් වාර්තා වී තිබේ. එම මරණ දෙකම කොළඹින් වාර්තා වන අතර පිරිමි පුද්ගලයෙක් හා කාන්තාවක් මෙසේ ජීවිතක්ෂයට පත්ව තිබේ.

මහනුවර දිස්ත්‍රික්කයට අයත් අකුරණ සෞඛ්‍ය වෛද්‍ය නිලධාරි කොට්ඨාසය තුලින් ඊයේ දිනයේ කොවිඩ් 19 ආසාදිතයින් නව දෙනෙකු ඊයේ වාර්තා වීමත් සමඟ අකුරණ සෞඛ්‍ය වෛද්‍ය නිලධාරි කොට්ඨාසයෙන් වාර්තා වන සමස්ත ආසාදිතයින්ගේ සංඛ්‍යාව 71 ක් දක්වා ඉහළ ගොස් ඇති බව මධ්‍යම පළාත් සෞඛ්‍ය දෙපාර්තමේන්තුව ප්‍රකාශ කරයි.

ශ්‍රී ලංකා ප්‍රිමියර් ලීග් පන්දු වාර 20 තරඟාවලියට අදාලව දඹුල්ල වයිකිංග්ස් කණ්ඩායම සහ කැන්ඩි ටස්කර්ස් අතර තරඟයේ පළමුව පන්දුවට පහර දුන් වයිකිංග්ස් පිළ නියමිත පන්දුවාර 20 තුල කඩුලු 04ක් දැවී ලකුණු 195ක් රැස් කිරීමට සමත් විය.