කොවිඩ් ආසාදනය වීම හේතුවෙන් ගම්පහ ඩිපෝවේ සේවය කළ ලංගම සේවකයෙක් මියගොස් ඇතැයි රාජ්‍ය අමාත්‍ය දිලුම් අමුණුගම මහතා පැවැසීය.

හෙට දිනයේ සිට පිට පළාත්වල සිට දුම්රිය පහක් කොළඹට ධාවනය කිරිමට සැලසුම් දුම්රිය දෙපාර්තමේන්තුව සැලසුම් කර තිබේ.

හෙට දිනයේදී සංචරණ සීමා ලිහිල් කිරීමත් සමග පළාත් අතර සීමිත බස්රථ ප්‍රමාණයක් හා දුම්රිය ප්‍රමාණයක් ධාවනය කරන බව රාජ්‍ය අමාත්‍ය දිලුම් අමුණුගම මහතා පැවැසී්‍ය.

කොවිඩ් වෛරසය ආසාදනය වී රෝහල්ගතව ප්‍රතිකාර ගෙන පූර්ණ සුවය ලැබූ 1,102ක් 16 දිනයේ පිටවගොස් තිබේ.

කොවිඩ් වසංගත තත්වය හේතුවෙන් මාතලේ දිස්ත්‍රික්කයේ අද (16)දා දහවල් වන විට සමස්ත රෝගින් සංඛ්‍යාව 3001 ක් දක්වා ඉහළ ගොස් ඇති බවමාතලේ දිස්ත්‍රික් සෞඛ්‍ය සේවා අධ්‍යක්ෂ කාර්යාලය කියයි.

ශ්‍රී ලංකාවේ කොවිඩ් රෝගීන් වාර්තාවීම පිළිබඳව සෞඛ්‍ය අමාත්‍යාංශය විසින් නවතම ශ්‍රී ලංකාව සිතියම නිකුත් කර තිබේ.

රූමත් කාන්තාවන් දෙදෙනකු යොදාගෙන රැයක් තිස්සේ මත්පැන් හා මත්ද්‍රව්‍ය සාදයක් පැවැත්වූ පුද්ගලයන් පස් දෙනකු සහ එම කාන්තාවන් දෙදෙනා වැලිකඩ රාජගිරිය හෝටලයකදී අද (16දා) අත්අඩංගුවට ගත් බව බස්නාහිර දකුණු අපරාධ කොට්ඨාසය කියයි.

කොරෝනා වෛරසය ආසාදනය වීම හේතුවෙන් ගුරුවරියන් දෙදෙනෙක් ජීවිතක්ෂයට පත්ව ඇති බව ලංකා ගුරු සේවා සංගමය පවසයි.

වසංගතය ආරම්භයේ සිට වඩාත් හොඳින්ම කොවිඩ්-19 පාලනය කළ රටක් ලෙස ප්‍රකට තායිවානයේ මේ දක්වා ඇති වූ ආසාදිතයන් සංඛ්‍යාව 1,475ක් තරම් අඩු මට්ටමක පැවතුණි. කෙසේ වෙතත් මෑත කාලීනව ලෝකයේ බොහෝ කලාපවල දැකගත හැකිවූ ආකාරයේ පූර්ණ ලොක්ඩවුන් හා සංචරණ සීමාවන් එතරම් නොමැතිව සාමාන්‍ය ජීවිතයක් ගෙවූ තායිවාන වැසියන්ට මෙම ආසාදන තත්ත්වය තරමක් තදින් දැනී ඇති බව කියයි.

ගම්පහ දිස්ත්‍රික්කයේ කොරෝනා ආසාදිතයින් සංඛ්‍යාව අද (16) උදෑසන වනවිට ගතවූ පැය 24 ක කාලය තුල 418 දෙනෙකු වන බවත් ඉන් වැඩිම පිරිස ගම්පහ සෞඛ්‍ය වෛද්‍ය නිලධාරී කොට්ඨාසයෙන් වන බවත් දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

දිවයිනට පැමිණ සිටින විදේශික සංචාරකයන්ට සෞඛ්‍ය මාර්ගෝපදේශ අනුව ජෛව ආරක්ෂක බුබුළු ක්‍රමවේදය යටතේ සංචාරය කිරීමට හැකි බව සංචාරක සංවර්ධන අධිකාරියේ අධ්‍යක්ෂක ජෙනරාල් ධම්මිකා විජේසිංහ මහත්මිය පවසයි. ඇය පෙන්වා දෙන්නේ මේ සම්බන්ධයෙන් සෞඛ්‍ය අධ්‍යක්ෂක ජෙනරාල්වරයා සහ පොලිස්පතිවරයා දැනුවත් කර ඇති බවයි.

අයහපත් කාලගුණයෙන් පිඩාවට පත්ව සිටින පුද්ගලයින්ට සිදුවු හානි පිළිබදව තක්සේරු වාර්තා අනුව දිස්ත්‍රික් ලේකම් කාර්යාලය හරහා වන්දි ලබාදිමට සුදානම් බව අපදා කළමනාකරණ මධ්‍යස්ථානයේ අධ්‍යක්ෂ ප්‍රදිප් කොඩිප්පිලි ප්‍රකාශ කළේය.

නුවරඑළිය මහ නගර සභා සිමාවෙන් ඊයේ (15දා) වැඩිම කොවිඩ් 19 වෛරසය අසාදනය වූ අසාදිතයන් පිරිසක් වාර්තා වු බවත් , එම පිරිස 173 ක් බවත් නුවරඑළිය මහ නගර සභාවේ සෞඛ්‍ය අංශ නිලධාරින් කියා සිටියේය.

බෙලිඅත්ත ඩී.ඒ.රාජපක්ෂ දිස්ත්‍රීක් ආයුර්වේද රෝහ‍ලේ ඇඳන් 100ක් සහිත වාට්ටු දෙකක් කොවිඩ් රෝගීන් සඳහා ප්‍රතිකාර කිරීමට වෙන් කරන බව ක්‍රීඩා සහ තරුණ කටයුතු අමාත්‍ය නාමල් රාජපක්ෂ මහතා කියයි.

කොවිඩ් ආසාදිතව මෙරට සිදුවූ සිව්වන ගැබිණි කාන්තා මරණයක් (15) වාර්තා වී තිබුණි. එලෙස මියගොස් තිබුණේ තිස්සමහාරාම යායගොඩ පදිංචි වයස අවුරුදු 35ක ගැබිණි කාන්තාවකි. ඒ සමග​ම ඇයගේ මාස 8ක් වන බිළිඳිය ද ජීවිතක්ෂයට පත්ව ඇති බව සෞඛ්‍ය අංශ සඳහන් කරයි.

හපුතලේ ප්‍රාදේශීය සභාවේ සභාපති බී කන්දසාමි කන්නා මහතා මේ දිනවල කසළ ලොරියෙන් ගොස් නගරවල කසළ එකතු කිරීමේ කටයුතු සිදුකරමින් පවතී.

මාරවිල මුලික රෝහලේ වෛද්‍යවරුන්, හෙද කාර්ය මණ්ඩලය ඇතුළු 29ට කොවිඩ් 19 ආසාදිතවී ඇති බවට තහවුරු වීමත් සමග රෝහලේ ශල්‍යාගාරය, ශල්‍ය හා ගැබිණි වාට්ටු තාවකාලිකව ඊයේ (15දා) සවස සිට වසා දැමිමට පියවර ගත් බව පුත්තලම් දිස්ත්‍රික් සෞඛ්‍ය සේවා අධ්‍යක්ෂිකා වෛද්‍ය දිනුෂා ප්‍රනාන්දු මහත්මිය පැවසුවාය.

පොලිස් මාර්ග බාධක රාජකාරියේ නිරතව සිටියදී පසුගිය දිනෙක අනතුරකට ලක්ව තුවාල ලැබ ප්‍රතිකාර ලබමින් සිටි උපපොලිස් පරීක්ෂකවරයා ජීවිතක්ෂයට පත්ව තිබේ.

කෑගල්ල බුළුගහදෙණිය මහජන සෞඛ්‍ය පරික්ෂක කොට්ධාසය තුල ඵක් දිනකදී කොවිඩි මරණ දෙකක් සහ කොවිඩි ආසාදිත රෝගින් 30දෙනකු හදුනා ගෙන ඇති බවත් පවුල් 71ක් පමණ නිරෝධායනයට යොමු කර තිබෙන බව බුළුගහදෙණිය මහජන සෞඛ්‍ය පරික්ෂක බංඩාර අත්තනායක මහතා ඊයේ පැවසීය.

නුවරඑළිය දිස්ත්‍රික්කයෙන් ඊයේ දින සවස් වන විට අලුතින් කොව්ඩ් ආසාදිතයන් 64 දෙනකු හමුවිමත් සමග නුවරඑළිය දිස්ත්‍රික්කයේ කොවිඩ් ආසාදිතයන් ගනන 2491 දක්වා ඉහල ගොස් ඇති බව නුවරඑළිය දිස්ත්‍රික්කයේ සෞඛ්‍ය වෛද්‍ය කාර්යාලයක නිලධාරියකු පවසන ලදි.

පසුගිය පැය 24 ක කාලය තුල සංචරණ සීමා උල්ලංඝණය කළ 306 දෙනෙකු අත්අඩංගුවට ගෙන ඇති බ​ව නියෝජ්‍ය පොලිස්පති අජිත් රෝහණ මහතා සඳහන් කර සිටියේය.

කොවිඩ් මර්දනය කිරීම සඳහා රජය පිහිටුවා ඇති අරමුදල වෙනුවෙන් පාර්ලිමේන්තු මන්ත්‍රීවරුන්ගේ මාසික වැටුප ලබාදෙන ලෙස ඉල්ලීමක් කරන බව පාරිභෝගික අයිතීන් සුරැකීමේ ජාතික ව්‍යාපාරය සඳහන් කරයි.

අද සිට පිටකොටුව තොග වෙළද හුවමාරුව තොග වෙළදාම සඳහා පමණක් විවෘතව තැබේ.

අයහපත් කාලගුණික තත්ත්වය සහ අපදා හේතුවෙන් පසුගිය 13 වනදා සිට සිවුදෙනෙකු මියගොස් තවත් දෙදෙනෙකු තුවාල ලබා තිබේ.

ගාල්ල දිස්ත්‍රික්කයේ කොරෝනා ආසාදිත් විශාල ලෙස වාර්තා වෙද්දි අයහපත් කාලගුණික තත්ත්වය නිසා ජනතාව දැඩි ලෙස පීඩාවට පත්ව සිටිති.

නොර්වුඩ් පොලිස් වසමට අයත් නොර්වුඩ් නිව්වැලි වත්තේ පිහිටි පෞද්ගලික ඇගළුම් කර්මාන්ත ශාලාවක සේවකයින් 280 දෙනෙකුගෙන් (15) දින සිදු කල රැපිඩ් ඇන්ටිජන් පරික්ෂාවේදි අසාදිතයන් 19 දෙනෙකු හදුනාගත් බවත්, එම අසාදිතයන්ගේ ළගම ආශ්‍රිතයන් 60 දෙනෙකු ගෘහස්ථ නිරෝධානයට යොමු කල බව මස්කෙලිය සෞඛ්‍ය වෛද්‍ය නිලධාරි ඩි.චන්ද්‍රරාජන් මහතා පැවසිය.

නිරෝධායන නීති උල්ලංඝනය කළ පුද්ගලයින් 306 දෙනෙකු ගතවූ පැය 24 තුලදී අත්අඩංගුවට ගෙන තිබෙනවා.

අද (16) දිනයේ බස්නාහිර, සබරගමුව, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

’’පළමු මාත්‍රාවෙන් දින 35කට පසුව, එනම් සති 5කට පසුව, කොවිඩ්-19 ආසාදන 80%කින් අඩුවීම, 90%ක් රෝහල් ගතවීම් අඩු වීම සහ 95%ක්ම මරණ අඩුවීම දක්නට ලැබුණා. මේ දත්ත මගින් එන්නත් කිරීමේ ව්‍යාපාරයේ ඵලදායීතාව වගේම, වසංගතයේ හදිසි අවස්ථා අවසන් කිරීම සඳහා සමස්ත ජනගහනය වෙත ඉහළ එන්නත් ආවරණයක් ලබා ගැනීමේ අවශ්‍යතාව තවදුරටත් සනාථ කරනවා’’ ඉතාලියේ ජාතික සෞඛ්‍ය ආයතනය පවසයි.