වාර්තා වන කොවිඩ් රෝගීන්ගේ ඉහළයෑමක් සිදු වන අවස්ථාවක ගර්භනී මව්රුන් ඇතුළු සෞඛ්‍ය අංශ සේවකයින්ද සාමාන්‍ය පරිදි සේවයට කැඳවීම විශාල අවදානමක් බව සෞඛ්‍ය වෘත්තීය සමිති එකමුතුව පෙන්වා දෙයි.

හැඳල පාලම හරහා ජලනළ එළීම සහ ප්‍රධාන නළ මාර්ගයට සම්බන්ධ කිරීමේ කටයුතු හේතුවෙන් හෙට (03) පැය 24ක කාලයක් වත්තල ප්‍රදේශ කිහිපයකට ජල සැපයුම අත්හිටුවන බව ජලසම්පාදන හා ජලාපවහන මණ්ඩලය නිවේදනය කරයි.

එක්සත් අරාබි එමීර් රාජ්‍යයේ සෞඛ්‍ය අමාත්‍යාංශය විසින් මෙසේ චීනයේ සීනොෆාම් කොවිඩ්-19 මර්දන එන්නත එරට අවුරුදු 3 සිට 17 දක්වා ළමයින් සඳහා හදිසි භාවිත අනුමැතිය ලබාදී ඇත.

රිෂාඩ් බදියුදීන් මන්ත්‍රීවරයාගේ නිවස රජයේ රසපරීක්ෂක දෙපාර්තමේන්තුවේ නිලධාරීන් විසින් පරීක්ෂාවට ලක්කර තිබේ.

කොවිඞ් තත්ත්වය හේතුවෙන් ශ‍්‍රී ලංකාවේ සංචාරය තහනම් කර ඇති රටවල් 21 ක් සමඟ එම තහනම ඉවත්කර ගැනීමට සාකච්ජා ආරම්භ කරන බව සංචාරක ඇමැති ප‍්‍රසන්න රණතුංග මහතා පැවැසීය.

’’පසුගිය දශකය තුළ ඉන්දියානු කාන්තාවන් කුමන සමාජ හා ආර්ථික ජයග්‍රහණ ලබා ගත්තද, එය කොවිඩ්-19 කාලය තුළදී විශාල වශයෙන් අතුගා දමා තිබෙනවා’’ ඉන්දියාවේ විශාලතම වෘත්තීය සමිතිවලින් එකක් වන සමස්ත ඉන්දියානු වෘත්තීය සමිති සම්මේලනයේ මහලේකම් අමර්ජිත් කවුර් පැවසීය.

යාපනය ප්‍රදේශයේ වැඩි මිලට භාණ්ඩ අළෙවි කළ වෙළදුන් 17 දෙනෙකු අත්අඩංගුවට ගෙන තිබේ.

ක්‍රීඩා සංගම් නියෝජනය කරන පුද්ගලයන්ගේ පෞද්ගලික ප්‍රශ්නවලට ක්‍රීඩකයන් පලි නොමැති බවත් පරිපාලකයෝ මොනවා කළත් ක්‍රීඩකයෝ හොඳින් සෙල්ලම් කරනවා නම් තරඟ ජයග්‍රහණය කළ හැකි බවත් ක්‍රීඩා පනත හා ක්‍රීඩා සංගම් යාවත්කාලීන කිරීමේ පනත ලබන වසරේ මුල පාර්ලිමේන්තුවට ගෙන එන බවත් මෙම පනත ගෙන ආ පසු ප්‍රශ්න වලට පිළිතුරු ලැබෙන බව ක්‍රීඩා හා තරුණ කටයුතු ඩිජිටල් ව්‍යසාය අමාත්‍ය නාමල් රාජපක්ෂ මහතා පවසයි .

එක්සත් ජාතික පක්ෂ නායක, පාර්ලිමේන්තු මන්ත්‍රී රනිල් වික්‍රමසිංහ මහතා අභියාචනාධිකරණයට රිට් පෙත්සමක් ඉදිරිපත් කර තිබේ.

සියලුම රාජසේවකයින් රාජකාරයට කැදවිමට නිකුත් කර තිබෙන චක්‍රලේඛය වහාම අවලංගු කලයුතු බවත් එසේ නොකහොත් 05 වන දින සමස්ත රෝහල් පද්ධතියම එකාබද්ධ කර ගනිමින් පැය 24 වැඩවර්ජනයක් සිදුකරණ බව සෞඛ්‍ය වෘත්තිය සමිති එකමුතුව සදහන් කරයි.

සෞඛ්‍ය නීති වලට යටත්ව හැකි ඉක්මනින් පාසල් ආරම්භ කිරිමට පියවර ගන්නා බව අධ්‍යාපන අමාත්‍ය ජි.එල් පිරිස් මහතා පවසයි.

මස්කෙලිය මවුස්සාකැලේ ජලාශයේ නඩත්තු කටයුත්තක් හේතුවෙන් මවුස්සාකැලේ ජලාශයේ වාන් දොරටු අද (02) දින සිට ලබන 14 දින දක්වා වරින් වර විවෘත කර තබන බවට විදුලි බල මණ්ඩලය කියා සිටී.

මෙම වසරේ ගතවූ මාස හයහමාරක කාලය තුළ ළමා අපයෝජන පැමිණිලි 4700 ක් ලැබී ඇතැයි ජාතික ළමා ආරක්ෂක අධිකාරියේ සභාපති මහාචාර්ය මුදිත විදානපතිරණ මහතා පැවැසීය.

ජනාධිපති ගෝඨාභය රාජපක්ෂ මහතා, ජපාන අග්‍රාමාත්‍ය යොෂිහිඩේ සුගා මහතාගේ පෞද්ගලිකවම කළ ඉල්ලීම පරිදි ජපාන රජයෙන් පරිත්‍යාග කෙරෙන ඇස්ට්‍රාසෙනිකා මීළඟ එන්නත් තොගය ලබන සෙනසුරාදා (07) දිවයිනට රැගෙන ඒමට නියමිත බව ජපාන තානාපති, අකිරා සුගියාමා මහතා පවසයි.

ශ්‍රී ලංකාවේ කොවිඩ් වසංගත තත්ත්වය පාලනය කිරීම සඳහා තවත් එන්නත් තොගයක් ප්‍රදානය කිරීමට ඇමරිකා එක්සත් ජනපදය බලාපොරොත්තු වන බව ශ්‍රී ලංකාවේ ඇමරිකානු තානාපතිනි ඇලයිනා බී. ටෙප්ලිට්ස් මහත්මිය පැවසුවාය.

ශ්‍රී ලංකාවේ සෞඛ්‍ය තොරතුරු තාක්ෂණ සංගමය (HISSL) සහ ඩිජිටල් සෞඛ්‍ය සඳහා පොදුරාජ්‍ය මණ්ඩලීය මධ්‍යස්ථානය (CWCDH) එක්ව සෞඛ්‍ය අමාත්‍යාංශය සිදු කරන රෝගී ප්‍රතිකාර සේවාවන් තවත් ශක්තිමක් කිරීමේ අරමුණීන් ස්මාර්ට් ජංගම දුරකථන යෙදුමක් හදුන්වා දී ඇති අතර, එය සෙල්ෆ් ෂීල්ඩ් (Self Shield) “කොවිඩ් 19 ට එරෙහි ස්මාර්ට් පලිහ” යනුවෙන් හදුන්වනු ලබන බවයි සෞඛ්‍ය අමාත්‍යාංශය නිවේදනය කර සිටියේ.

‍ඌව පළාතට මාසයක් තිස්සේ පවතින දැඩි නියගයත් සමග රාවණා දිය ඇල්ල ද සිදී ඇල්ලෙන් මේ දිනවල සිහින් දිය දහරක් ගලා බසී.

අග්‍රාමාත්‍ය මහින්ද රාජපක්ෂ මහතා සහ ආණ්ඩු පක්ෂය නියෝජනය කරන මන්ත්‍රීවරුන් අතර අද (02) දිනයේ සාකච්ඡාවක් පැවැත්වීමට නියමිත බව වාර්තා වේ.

ගුරු විදුහල්පති ගැටලුව නිරාකරණය කිරීම සදහා යෝජනා අද පස්වරුවේ රැස්වන කැබිනට් මණ්ඩලයට යොමු කරන බව අමාත්‍ය මහාචාර්ය ජී එල් පීරිස් මහතා පවසනවා.

2020 ටෝකියෝ ඔලිම්පික් උළෙලේ ශ්‍රී ලංකාව නියෝජනය කරමින් සහභාගිවන අවසන් තරගකරුවා වන මැතිල්ඩා ක්ලාසන් තරග වඳින තුරගතරග තරගය හෙට (03දා) පැවැත්වේ.

හිටපු අමාත්‍ය පාඨලී චම්පික රණවක මහතා ඇතුළු විත්තිකරුවන් තුන්දෙනෙකුට එරෙහි නඩුව ලබන මස 15 වනදා කැඳවන ලෙස කොළඹ මහාධිකරණය නියම කළා.

පිලියන්දල ප්‍රධාන තැපැල් කාර්යාලයේ ස්ථානාධිපතිවරයා ඇතුළු සේවක සේවිකාවන් විසි දෙනකුට කොරෝනා වෛරසය ආසාධිත වී ඇතැයි පිළියන්දල සෞඛ්‍ය වෛද්‍ය නිලධාරී වෛද්‍ය ඉන්දික එල්ලාවල මහතා පැවසීය.

මෙරට කොවිඩ් මර්දන එන්නත් එක් මාත්‍රාවක් හෝ ලබාගත් වයස අවුරුදු 30 ට වැඩි පුද්ගලයින් සංඛ්‍යාව ලක්ෂ 100 ඉක්මවා තිබේ.

කැස්බෑව මහේස්ත්‍රාත් අධිකරණයේ කාර්ය මණ්ඩලයේ 23 කොරෝනා වෛරසය ආසාධිත වී ඇතැයි කැස්බෑව සෞඛ්‍ය වෛද්‍ය නිලධාරී වෛද්‍ය සමන්තිකා විජේසුන්දර මහත්මිය පැවසුවාය .

මෙරට දෛනික කොවිඩ් ආසාදිතයින් ඊයේ (01) දිනයේදී දිස්ත්‍රික්ක 9 ක සියයේ සීමාව ඉක්මවා ගොස් තිබුණි.

හිටපු මුදල් අමාත්‍ය රවී කරුණානායක සහ පර්පචුවෙල් ට්‍රෙෂරිස් සමාගමේ අධ්‍යක්ෂකවරයකු වන අර්ජුන් ඇලෝසියස් යන අයට එරෙහිව අල්ලස් කොමිසම විසින් පැවරූ නඩුවක් සාක්ෂි විභාගය සඳහා සැප්තැම්බර් මස 6 වනදා කැඳවන ලෙස කොළඹ මහාධිකරණය නියම කර තිබේ.

කොරෝනා ආසාදිතයින් බවට තහවුරු වූවද රෝග ලක්ෂණ නොපෙන්වන නිදන්ගත රෝගවලින් නොපෙලෙන රෝගීන් තම නිවෙස්වලම තබා අවශ්‍යවූවහොත් පමණක් රෝහල්ගත කිරීමේ වැඩපිළිවෙලක් ගම්පහ දිස්ත්‍රික්කයේ ආරම්භ කොට ඇති බව දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

කොරෝනා වසංගතයට දරුවන් වැඩි වශයෙන් ගොඳුරුවන තත්ත්වයක් පෙන්නුම් කරන බව රිජ්වේ ආර්ය ළමා රෝහලේ ළමා රෝග පිළිබඳ විශේෂඳ වෛද්‍ය දීපාල් පෙරේරා මහතා පවසයි.

උපත්, මරණ සහ විවාහ සහතික පිටපත් අද සිට මාර්ගගත ක්‍රමයට ලබාදීම ආරම්භ කරන බව රෙජිස්ට්‍රාර් ජනරාල් දෙපාර්තමේන්තුව නිවේදනය කර සිටියි.