ජාතික රූපවාහිනියේ නව සභාපතිවරයා ලෙස ගිහාන් ද සිල්වා මහතා අද (26දා) වැඩ භාරගෙන තිබේ.

මෙම වසරේ මෙරටට පැමිණි සංචාරකයන් ප්‍රමාණය ලක්ෂ 20 ඉක්මවා ගොස් තිබේ.

සුනාමි ව්‍යයසනය සිදුවී අදට (26දා) අවුරුදු 20ක් සපිරෙයි.

අයහපත් කාලගුණයෙන් නුවරඑළිය දිස්ත්‍රික්කයේ උඩරට එළවළු වගා බිම් අක්කර 750කට වඩා වැඩි ප්‍රමාණයක් සම්පුර්ණයෙන් විනාශයට පත්ව ඇති බවත්, එම හානි වූ එළවළු වගාවන් සඳහා තමන්ටත් වන්දි මුදල් ලබා දෙන ලෙස වගා හානියට පත් උඩරට එළවළු ගොවීහූ රජයෙන් ඉල්ලා සිටිති.

හබරණ පොළොන්නරුව ප්‍රධාන මාර්ගයේ හතේ කණුව සහ බටුඔය අතර 38 කිලෝමීටර් කණුව අසල ගිනිගත් කැබ්රථයක් තුළ තිබී පුද්ගලයෙකුගේ මළ සිරුරක් 25 වෙනිදා රාත්‍රියේදී සොයා ගැනීමට හැකිවූ බව මින්නේරිය පොලිසිය කියයි.

විෂ එන්නත් කර 70 හැවිරිදි අවිවාහක කාන්තාවක් ඝාතනය කළ බව පැවසෙන සිද්ධියක් සම්බන්ධයෙන් දික්වැල්ල පොලීසිය විමර්ශනයක් ආරම්භ කර ඇත.

රාත්‍රි රථවාහන රාජකාරියේ නිරත වන පොලිස් නිලධාරින් සම්බන්ධයෙන් පොලිස් මූලස්ථානය විසින් නවතම උපදෙස් මාලාවක් නිකුත් කර තිබේ.

නව දුම්රිය සාමාන්‍යාධිකාරි වශයෙන් හිටපු දුම්රිය සාමාන්‍යාධිකාරී ධම්මික ජයසුන්දර මහතා පත්කර තිබේ.

මේ වන විට බිත්තර මිල දැඩි ලෙස පහල බැස තිබුනද බිත්තර ආප්ප බිත්තර රෝටි මිල අඩු නොවිම පිලිබදව බොහෝ පිරිසක් දැඩි අප්‍රසාදය පලකර සිටිති.

බන්ධනාගාර දෙපාර්තමේන්තුවේ තනතුරු 79 කට අදාලව නිලධාරී පුරප්පාඩු 1717 ක් පවතින බව විගණන මහ ලේකම් කාර්යාලය මගින් නිකුත් කරන ලද විගණන වාර්තාවේ සදහන් වේ.

රුපියල් කෝටියකට ආසන්න වටිනාකමකින් යුත් නීති විරෝධී අන්දමින් එකලස් කල බවට සැක සුඛෝපභෝගී ජීප් රථයක් සොයාගෙන ප්‍රසිද්ධ පෞද්ගලික කර්මාන්ත ශාලවක කළමනාකරුවකු අත්අඩංගුවට ගැනීමට පානදුර වලාන මධ්‍යම දූෂණ මර්ධන ප්‍රහාරයක ඒකකය සමත්ව ඇත.

රාජ්‍ය ඖෂධ නිෂ්පාදන සංස්ථාව මගින් ඉකුත් වසරේදී නිෂ්පාදනය කරන ලද ඖෂධ වර්ග 10 ක් නිෂ්පාදන පිරිවැයට වඩා අඩු මිලට පුද්ගලික වෙළඳපොළ බෙදාහරින්නන්ට අලෙවි කර තිබීමෙන් එම සංස්ථාවට රුපියල් 15,265 ,626 ක මූල්‍ය අලාභයක් සිදුව ඇතැයි ජාතික විගණන කාර්යාලය අනාවරණය කරයි.

ඉකුත් පැය 24 තුළදී බීමත්ව රිය ධාවනය කළ පුද්ගලයන් 251 කු ඇතුළු අනෙකුත් මාර්ග නීති උල්ලංඝනය කළ රියදුරන් 8747 කුට එරෙහිව නීතිය ක්‍රියාත්මක කර ඇතැයි පොලිස් මාධ්‍ය ප්‍රකාශක ජේෂ්ඨ පොලිස් අධිකාරී නීතිවේදී බුද්ධික මනතුංග මහතා පැවසීය

ශ්‍රි ලංකා පොදජන පෙරමුණේ පොදුජන අධ්‍යාපන සේවා සංගමයේ සභාපති ලෙස ක්‍රියා කළ වසන්තා හඳපාන්ගොඩ මහත්මිය එංගලන්තයේදි ජිවිතක්ෂයට පත්ව තිබේ.

අසර්බයිජානයේ සිට රුසියාව බලා ගමන් කරමින් තිබූ අසර්බයිජානයට අයත් ගුවන් යානයක් කසකස්ථානයේදි කඩා වැටි ඇති බව ජාත්‍යන්තර මාධ්‍ය වාර්තා කරයි.

අස්වැසුම සුබසාධක ප්‍රතිලාභ ගෙවීමේ යෝජනා ක්‍රමය යටතේ සුදුසුකම් ලබන පවුල් හා පුද්ගලයන්ට 2025 ජනවාරි සිට ක්‍රියාත්මක වන පරිදි මාසිකව ප්‍රතිලාභ දීමනා ගෙවීමේ ක්‍රම වේදය ප්‍රකාශයට පත් කරමින් මුදල් , ක්‍රම සම්පාදන සහ ආර්ථික සංවර්ධන අමාත්‍යවරයා ලෙස පැවරී ඇති බලතල අනුව ජනාධිපති අනුර කුමාර දිසානායක මහතා විසින් නව අති විශේෂ ගැසට් නිවේදනයක් නිකුත් කර තිබේ.

රජය වටා රොඳ බැඳගත් දහස් සංඛ්‍යාත ජනතාවගේ බලාපොරොත්තු කිසිඳු අයුරකින් කඩ වීමට ඉඩ නොතබන බවත් ඔවුන් අපේක්ෂා කරන “පොහොසත් රටක් – ලස්සන් ජීවිතයක්” උදා කර දීමේ ඒකායන අරමුණ වෙනුවෙන් තව තවත් වීර්යයෙන් සහ අධිෂ්ඨානයෙන් යුතුව කැප වන බව උතුම් නත්තලේදී යළි අවධාරණය කරන බවත් ජනපති අනුර කුමාර දිසානායක මහතා නත්තල වෙනුවෙන් සුබ පැතුම් පණිවිඩයක් නිකුත් කරමින් පවසයි.

මීගොඩ පොලිස් වසම භීතියට පත් කරමින් මත්ද්‍රව්‍ය ජාවාරමේ නියැලුණු විදෙස් රටක සැඟව සිටින සංවිධානාත්මක අපරාධ කල්ලි නායකයෙකු වන හෝමාගම හඳයා නොහොත් තනූජ සම්පත් නැමැත්තාගේ ප්‍රධානතම ගෝලයකු අයිස් මත්ද්‍රව්‍ය ග්‍රෑම් 05 මිලි ග්‍රෑම් 100 ප්‍රමාණයක් සහ හෙරොයින් මත්කුඩු ග්‍රෑම් 05 මිලිග්‍රෑම් 900 ක් හා මත්ද්‍රව්‍ය විකිණීමෙන් උපයා ගත් මුදල් රුපියල් දස දහසක් සමග (24) වන දින සවස අත්අඩංගුවට ගත් බව නුගේගොඩ කොට්ඨාස අපරාධ විමර්ශන අංශය කියයි

නීතිවිරෝධී මද්‍යසාර භාවිතය අවම කිරීම සඳහා නීත්‍යනුකූල මද්‍යසාර බෝතලයක් අඩු මිලට ලබා දීමට කටයුතු කිරීම තුළින් රටේ ජනතාව රෝගී වීම ඉහළ යන බව මද්‍යසාර සහ මත්ද්‍රව්‍ය තොරතුරු මධ්‍යස්ථානය සඳහන් කරයි.

බන්ධනාගාර දෙපාර්තමේන්තුව 2023 වර්ෂයේ සේවක වැටුප් හා අනෙකුත් දීමනාවලට අමතරව අතිකාල හා නිවාඩු දින දීමනා වෙනුවෙන් පමණක් රුපියල් රුපියල් ලක්ෂ 9820 ක් වැයකර තිබෙන බවත්, එම මුදල 2022 වර්ෂයට සාපේක්ෂව රුපියල් ලක්ෂ 1060 ක වැඩි වීමක් බවත් ජාතික විගණන මහ ලේකම් කාර්යාලය සිදුකළ විගණන පරීක්ෂණයකදී තහවුරු වී ඇත.

ආසියානු සංවර්ධන බැංකු ආධාර යටතේ 2020 වර්ෂයේදී පළාත් සභා අරමුදල් මගින් ක්‍රියාත්මක වූ ජල සැපයුම් ව්‍යාපෘති ඇතුළු ව්‍යාපෘති 32 ක් 2022 වර්ෂයේ අගෝස්තු මාසයේ සිට අතරමග නතරවීම නිසා ඒ සඳහා වැය කරන ලද රුපියල් කෝටි 381ක මුදලක් රජයට අහිමි වී ගොස් ඇති බව ජාතික විගණන කාර්යාලය මගින් ඉකුත් 22 දින නිකුත් කරන ලද විගණන වාර්තාවකින් අනාවරණය වෙයි.

වෙළෙඳ ආර්ථික ක්‍රමවේදය තුළ ඉදිරිපත් කරන නත්තල පිළිබඳ ආකල්පයට වහල් නොවී, දිළින්දන්ට සතුටක් ලබා දෙමින් නත්තල ගත කරන ලෙස සියලු ක්‍රිස්තු භක්තිකයන්ගෙන් ඉල්ලා සිටින බව කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණෝ පැවසූහ.

විදුලිබල මණ්ඩලය කොටස් කර විකිණීමට එරෙහිව පසුගිය ජනවාරි මාසයේ පැවැත්වූ සේවක උද්ඝෝෂනයට සහභාගිවිනැයි වැඩ තහනම් කර මර්ධනයට ලක් කර යළි සේවයේ පිහිටවූ සේවකයන් හැටදෙදෙනකෙුගේ (62) අහිමි කර තිබූ වරප්‍රසාද යළි ලබාදීම, දඩුවම් මාරු අවලංගු කිරීම බලශක්ති අමාත්‍ය ඉංජිනේරු කුමාර ජයකොඩි මහතාගේ විශේෂ නියෝගයකින් සිදුකෙරුණු අතර එම ‍සේවකයෝ අද දින (24) ලංකා විදුලිබල මණ්ඩල මූලස්ථානයේදී අමාත්‍යවරයා හමුවූහ.

ජනපති අරමුදලින් මුදල් ලබා ගත් දේශපාලඥයින් සම්බන්ධයෙන් තමන් කළ ප්‍රකාශය සම්බන්ධයෙන් පාර්ලිමේන්තු මන්ත්‍රී දයාසිරි ජයසේකර මහතා හත්පොලේ ගා ගනිමින යන බව අමාත්‍ය නලින්ද ජයතිස්ස මහතා පැවැසීය.

බොරතෙල් නැව් තොග 06ක් මිලදී ගැනීමට කැබිනට් අනුමැතිය ලැබී තිබේ. ඒ අනුව 2025.04.01 සිට 2025.08.31 දක්වා කාලය තුළ මර්බන් වර්ගයේ බොරතෙල් නැව් තොග 06ක් මිලදී ගැනීමට මෙම අනුමැතිය හිමිව ඇත.

2023 වසරේ රුපියල් බිලියන 27,630ක අගයක් ගත් මෙරට නාමික දළ දේශීය නිෂ්පාදිතයේ පළාත් මට්ටමින් වැඩිම දායකත්වය බස්නාහිර පළාතෙන් ලැබී ඇති අතර, එය ප්‍රතිශතයක් ලෙස සියයට 43.7ක් අගයක් ගෙන ඇතැයි ශ්‍රී ලංකා මහ බැංකුව නිවේදනයක් නිකුත් කරමින් පවසයි.

කොළඹ -ගාල්ල මහා මාර්ගයේ බෙන්තොට පාලම මතින් දකුණු පළාත හා බටහිර පළාත අතර යන එන වාහන පරීක්ෂා කිරීමේ විශේෂ මෙහෙයුමක් අද (24) සවස පොලිස් නිලධාරීන් විශාල පිරිසකගේ සහභාගිත්වයෙන් හා බෙන්තොට පොලීසියේ සංවිධානයෙන් බෙන්තොට පාලම අසලදී ආරම්භ කෙරිණි.

ලංකාව ණය පැහැර හරින්නන්ගේ කණ්ඩායමෙන් ඉවත්වීම සමස්ත ආර්ථිකයටම සුබදායි ආරංචියක් බවත්, ශ්‍රේණිගත කිරීම්හි ඉදිරියට පැමිණියද ජාත්‍යන්තර වෙළඳපොළෙන් ණය ගත හැකි තත්ත්වයට පැමිණ නොමැති බවත් සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පැවසීය.

ජාතික රූපවාහිනී සංස්ථාවේ සභාපති ලෙස කටයුතු කළ ආචාර්‍ය ෂෙනේෂ් බණ්ඩාර මහතා එම ධුරයෙන් ඉල්ලා අස්වී තිබේ.