පේරාදෙණිය සරසවි සිසුහු විරෝධතාවක

පේරාදෙණිය විශ්වවිද්‍යාලයේ සමසෞඛ්‍ය සිසුන්ට සායනික පුහුණුව සඳහා කුරුණෑගල, කෑගල්ල, හලාවත, වැලිසර වැනි දුරබැහැර පිහිටි රෝහල්වලට යෑමට සිදුවීම හේතුවෙන් ගැටලු රැසකට මුහුණපා ඇතැයි සඳහන් කරමින් අද (16දා) විරෝධතාවක් පැවැත්විණි.

විශ්වවිද්‍යාල ප්‍රතිපාදන කොමිසම ඉදිරිපිට පැවැති මෙම විරෝධතාවට එක්වෙමින් පේරාදෙණිය විශ්වවිද්‍යාලයේ මහා ශිෂ්‍ය සංගමය සඳහන් කළේ, මහනුවර, පේරාදෙණිය, සිරිමාවෝ යන රෝහල්වල සායනික පුහුණු ලබාදිය හැකිව තිබියදී මෙසේ දුරබැහැර ප්‍රදේශවලට සිසුන් පිටත්කර හරින බවයි.

මේ හේතුවෙන් අධ්‍යයන කටයුතු සඳහා වෙන්කළ හැකි කාලය මහමග බස්රථවලට වැයවන බවත්, විකිරණ චිකිත්සක පාඨමාලා  සායනික ගැටලු අතහැර දමා තිබෙන අතර, සමහර සිසුන් කායික හා මානසික පීඩාවන්ට ලක්ව තිබෙන බවත් විරෝධතාකරුවෝ පවසා සිටියහ.

ඡායාරූප - ශමීර රාජපක්‍ෂ