දියුණු වෙන්න දියුණු රටවල සහාය ඕන

ඔදුප්පත් රටක් වශයෙන් පවතින ශ්‍රී ලංකාව දියුණුව කරා යෑමේදී මුහුණදී ඇති ප්‍රාග්ධනය,විදේශ වත්කම් පිළිබඳ  ප්‍රශ්නය විසඳා ගැනීම සඳහා ලෝකයේ දියුණු රටවල සහාය අවශ්‍යවී ඇතැයි ජනාධිපති මෛත්‍රිපාල සිරිසේන මහතා පැවසීය.

ලෝකයේ දියුණු රටවල ක්‍රියාත්මක  වෙළෙඳ,ආර්ථික,ද්විපාර්ශ්වීය සබඳතා,තාක්ෂණික දැනුම, ලබාගැනීම සඳහා ශ්‍රී ලංකාව මිත්‍රශීලී විදේශ ප්‍රතිපත්තියක් අනුගමනය කරන බවත්,කිසිදු අවස්ථාවකදී රටේ ස්වෛරීභාවයට හානි ගෙනදෙමින් එම සහායන් ලබානොගන්නා බවත් සිරිසේන මහතාඅවධාරණය කළේය.

ජනාධිපතිවරයා මේ බව පැවසුවේ, අද (09දා) ශ්‍රී ලංකා චීන සංගමයේ 60 වැනි සංවත්සරය නිමිත්තෙන් කොළඹ බණ්ඩාරනායක අන්තර්ජාතික සම්මන්ත්‍රණ ශාලාවේ පැවැති උත්සවයකදීය.

ඡායාරූප ශමීර රාජපක්ෂ