ආණ්ඩුක්‍රම ව්‍යවස්ථා අතුරු කමිටු වාර්තාවට විගීගේ විරෝධය
නව ආණ්ඩුක්‍රම ව්‍යවස්ථා මෙහෙයුම් කමිටුවේ අතුරු කමිටු වාර්තාව ප්‍රතික්ෂේප කරන බව උතුරු මහ ඇමති සී.වී. විග්නේෂ්වරන් මහතාගේ සභාපතිත්වයෙන් යුත් දෙමළ ජනතා සභාව මාධ්‍ය නිවේදනයක් මගින් පෙන්වා දී ඇත.
එම නිවේදනයේ වැඩිදුරටත් පෙන්වාදෙන්නේ , නව ව්‍යවස්ථාව සිංහල බෞද්ධ මතයට වැඩි නැඹුරුවක් සහිතව සකස් කොට ඇති බවටත්, මෙම ව්‍යවස්ථාව සකස් කිරීමට පෙර දෙමළ ජනතාවගේ ගැටලුවට ලබාදෙන විසඳුම රජය පැහැදිලිව ප්‍රකාශ කළ යුතු අතර, අනතුරුව එය ව්‍යවස්ථාවට ඇතුළත් කළ යුතු බවත්ය.
එමෙන්ම එළිදැක්වූ අතුරු වාර්තාව මගින් සියල්ලන් ශ්‍රී ලාංකිකයන් ලෙස දක්වා ඇතත් දෙමළ ජනතාවගේ අයිතිවාසිකම් පිළිගැනීමට ලක්කර නැතැයිද එහි දැක්වේ.
මේ නිසා දෙමළ ජනතාව වෙනම කොටසක් සේ සලකා නව ව්‍යවස්ථාව සකස් කළ යුතු අතර, දෙමළ ජනතාවගේ ස්වෛරීභාවය තුළින් මෙම ගැටලුවට විසඳුම් සෙවීම තුළින් පමණක් මෙරට සාමය ඇති කිරීමට හැකි බවත්, නව ව්‍යවස්ථාව සකස් කිරීමේදී ජාත්‍යන්තර ප්‍රජාවගේ මැදිහත්වීමක්ද අපේක්ෂා කරන බවත් අදාළ නිවේදනයේ වැඩිදුරටත් සඳහන්ව ඇත.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
