ජාතික විරෝධතා දිනය සාර්ථකයි - සයිටම් විරෝධී ජනපවුර

සයිටම් විරෝධී ජනපවුර විසින් අද (02දා) වෘත්තීය සමිති 500කට අධික ප්‍රමාණයක් එකතුවී සිදුකළ සයිටම් විරෝධී ජාතික දිනය අති සාර්ථක වූ බව එම සංවිධානයේ සාමාජික ජාතික වෘත්තීය සමිති මධ්‍යස්ථානය සඳහන් කරයි.

දිස්ත්‍රික්ක 25ක් මූලික කරගනිමින් උද්ඝෝෂණ විරෝධතා, කළුකොඩි ඔසවා තැබීම්, විරෝධතා පෙත්සම්වලට අත්සන් කිරීම්, කළුපටි පැලඳ සේවය කිරීම වැනි විරෝධතා පැවැත්වූ බවද එම සංවිධානයේ ලේකම් මහින්ද ජයසිංහ මහතා සඳහන් කළේය.

මේ අනුව ඉදිරි ක්‍රියාමාර්ග තීරණය කිරීම සඳහා හෙට (03දා) සයිටම් විරෝධී ජනපවුර සංවිධානයේ වෘත්තීය සමිති රැස්වන බවද හෙතෙම පවසා සිටියේය.

ඡායාරූප ඒෂාන් ප්‍රනාන්දු