ඡන්දය ප්‍රකාශ කිරීම සියයට 75ට ආසන්න වෙයි

ඇල්ලපිටිය ප්‍රාදේශීය සභා මැතිවරණයේ ඡන්ද විමසීම අද (11දා) සවස 4 ට අවසන් විය.

ඇල්පිටිය ප්‍රාදේශිය සභා ඡන්ද විමසීමේ ඡන්දය ප්‍රකාශ කිරීම සියයට 75කට ආසන්න අගයකට පැමිණ තිබුණි.

මධ්‍යස්ථාන 47ක ඡන්දය ප්‍රකාශ කිරීම සිදුවූ අතර එම මධ්‍යස්ථාන තුළම ඡන්දය ගණන් කිරීමට නියමිතය.

ඇල්පිටිය ප්‍රාදේශීය සභා මැතිවරණයට අදාල ඡන්ද විමසීමේ අවසන් ප්‍රතිඵලය නිකුත් කරනු ලබන්නේ ඇල්පිටිය ප්‍රධාන මැතිවරණ මෙහෙයුම් මධ්‍යස්ථානය පිහිටි ඇල්පිටිය වෘත්තීය පුහුණු මධ්‍යස්ථානයේදීයි.

මැතිවරණ නිරීක්ෂණ සංවිධාන පැවැසුවේ ඉතා සාමකාමී මැතිවරණයක් ලෙස ඡන්ද විමසීම පැවැති බවයි.