හින්දු කෝවිල්වල ​​බිලි පූජා තහනම්

විවිධ චාරිත්‍ර සඳහා හින්දු කෝවිල්වල සත්ත්ව බිලි පූජා පැවැත්වීම තහනම් කෙරෙන පනත් කෙටුම්පතක් හින්දු ආගමික හා සංස්කෘතික කටයුතු අමාත්‍යාංශය විසින් සකස් කර තිබෙන අතර, එය කැබිනට් අනුමැතිය සඳහා ලබන සතියේදී ඉදිරිපත් කිරීමට නියමිතය.

ඒ අනුව කුකුළන් වැනි පක්ෂීන් සහ අනෙකුත් සතුන්ද ඇතුළුව සත්ත්ව බිලි පූජා පැවැත්වීම තහනම් කිරීමට අපේක්ෂා කෙරේ. අමාත්‍යාංශය යටතේ ඇති හින්දු ආගමික කටයුතු දෙපාර්තමේන්තුව මගින් මෙම පනත සකස් කර ඇත.

එහිදී නිරීක්ෂණය කර ඇත්තේ, ශ්‍රී ලංකාවේ යාපනය හා පුත්තලම වැනි ප්‍ර‘දේශවල ප්‍රා‘දේශීය හින්දු ආගමික ඇදහිලි පදනම්ව බිලි පූජා පැවැත්වෙන බවයි. එය හින්දු ආගමේ මූලික ඉගැන්වීම්වලට පටහැනි බවද එහි දක්වා තිබේ.