වැටුප් වැඩිකරන්න යැයි ඉල්ලා ජනතා අරගලයෙන් වු විරෝධය

රාජ්‍ය හා පෞද්ගලික අංශ සේවකයන්ගේ හා වතුකම්කරුවන්ගේ වැටුප් ඉහළ දමන ලෙස ඉල්ලා ඊයේ (11දා) ජනතා අරගල මධ්‍යස්ථානය කොළඹ කොටුවේදී විරෝධතා ව්‍යාපාරයක් පැවැත්වීය.

පෙරටුගාමී සමාජවාදී පක්ෂය හා වෘත්තීය සමිති සිවිල් සංවිධාන කිහිපයක් විසින් ජනතා අරගල මධ්‍යස්ථානය සකස් කර තිබෙන අතර, උද්ඝෝෂණයට එක්වූ එම සංවිධානයේ නියෝජිතයන් සඳහන් කළේ, අධිබදු බර නිසා ජනතාවට ජීවත්විය නොහැකි තත්ත්වයක් ඇති වී තිබෙන බවයි.

මේ නිසා බදු බර පහත දමා වැඩකරන ජනතාවට ජීවත්විය හැකි ආකාරයට වැටුප ඉහළ දැමිය යුතු බවද විරෝධතා ව්‍යාපාරයට එක්වූවෝ සඳහන් කළහ.

මීට අමතරව ජාත්‍යන්තර මූල්‍ය අරමුදලේ කොන්දේසිවලට යට වී පාලකයන් රටේ ආර්ථිකය පරිසරය විනාශ කර දමමින් සිටින බවත්, මෙය වහාම නවතා දැමිය යුතු බවත් ඔවුහු පවසා සිටියහ.

ඡායාරූප- ඒශාන් ප්‍රනාන්දු