කලාව කාලෙන් කාලෙට වෙනස් වෙනවා - අගමැති

නව තාක්‍ෂණය සමග යමින් චිත්‍ර ශිල්පය පවා වර්තමානයේ අලුත් වී ඇතැයි අග්‍රාමාත්‍ය රනිල් වික්‍රමසිංහ මහතා පැවසීය.

ප්‍රවීණ චිත්‍ර ශිල්පී එස්. එච් සරත් මහතාගේ කලා දිවියේ පනස්වැනි වසර සනිටුහන් කරමින් පැවැති SH FIFTY චිත්‍ර ප්‍රදර්ශනය ජේ.ඩී.ඒ. පෙරේරා කලාගාරයේදී විවෘත කිරීමේ අවස්ථාවට එක්වෙමින් අග්‍රාමාත්‍යවරයා මේ බව පවසා සිටියේය.

“අපි අද ඉන්න යුගය චිත්‍ර ශිල්පී සරත්ගේ යුගයට වඩා වෙනස්. අද අලුත් තාක්‍ෂණය ඇවිත් තිබෙනවා.  විශේෂයෙන්ම ජංගම දුරකථනය, ටැබ් එක, අයිපෑඩ් තිබෙනවා. තමන්ට චිත්‍ර ශිල්පියෙකු වෙන්න තාක්‍ෂණය මම හිතන විදිහට මීට පෙර නොතිබුණු ලෙස තිබෙනවා. ඒ වගේම ඡායාරූප චිත්‍ර එකින් එක මිශ්‍ර‍ වෙනවා.

අපි අද අලුත් යුගයක ඉන්නේ. අලුත් විදියට භාෂාව පාවිච්චි කරන්නේ. ඒවා කරන ගමන් මෙන්න මේ චිත්‍රත් අපි ආරක්ෂා කරන්න ඕන. තාම මේවා අලුත් චිත්‍ර. සාම්ප්‍රදායික චිත්‍රත් තිබෙනවා. කලාව කාලෙන් කාලෙට වෙනස් වෙනවා. කලාවේ පරිවර්තනය නවත්වන්න බැහැ. ඒත් ඒ හැම යුගයකම ඉන්නේ දක්‍ෂ කලාකරුවන්ට අතදෙන ගමන්, දැන් ඉන්න තරුණ කලාකරුවන්ට අත දෙන්න කියලා තරුණ සේවා සභාවට හා සාගල රත්නායක අමාත්‍යවරයාට උපදෙස් ලබාදී තිබෙනවා” යැයි හෙතෙම වැඩිදුරටත් පවසා සිටි‍යේය.

 ජායාරූප - ඉසුරු පෙරේරා