උඩරට දුම්රිය මාර්ගයට කසළ දැමීමෙන් ගැටලු රැසක්

උඩරට දුම්රිය මාර්ගයට සහ මාර්ගය දෙපසට කැළි කසළ බැහැර කිරිම නිසා පරිසර ගැටලු රැසක් මතු වි ඇති බව හැටන් දුම්රිය ස්ථානයේ සේවකයන් සහ එම දුම්රිය මාර්ගයේ ගමන් ගන්නා ප්‍රදේශවාසින් කියයි.

හැටන්  දුම්රිය ස්ථානයේ සිට හැටන් සිංගිමලේ දුම්රිය උමං මාර්ගය දක්වා වු දුම්රිය මාර්ගයට ඉහළින් පදිංචිකරුවන් ඉතා සුක්ෂම ලෙස පොලිතින් උරවල බහා මෙසේ කැළි කසළ දුම්රිය මාර්ගයේ දෙපසට සහ දුම්රිය මාර්ගයට ගෙනවිත් දමන බව ඔවුන් පවසයි.

දුම්රිය මාර්ගයේ පරිසරයට කසළ බැහැර කිරිම නිසා දුම්රිය මාර්ගයේ දැඩි දුගන්ධයක් මෙන්ම විශාල පරිසර හානියක් සිදු වි ඇති බවත් , ප්‍රදේශවාසින්ට අමතරව උඩරට දුම්රිය මාර්ගයේ ගමන් ගන්නා මගීන්ද අපද්‍රව්‍යය දුම්රිය මාර්ගයට බැහැර කරන බව බව ඔවුන් වැඩිදුරටත් පැවැසීය.