සංවර්ධන නිලධාරී සම්මුඛ පරීක්ෂණ දින 30කින්

රැකියා විරහිත උපාධිධාරීන්ට සංවර්ධන නිලධාරී තනතුරු ලබාදීමට අදාළ සම්මුඛ පරීක්ෂණ දින 30ක් තුළ සිදුකරන බවට ජාතික ප්‍රතිපත්ති හා ආර්ථික කටයුතු අමාත්‍යාංශය පොරොන්දු වූ බවට ඒකාබද්ධ රැකියා විරහිත උපාධිධාරීන්ගේ සංගමය සඳහන් කරයි.

පුරප්පාඩු වී තිබෙන සංවර්ධන නිලධාරී තනතුරු 20,000ට උපාධිධාරීන් බඳවා ගන්නා ලෙස ඉල්ලමින් අද (14දා) එම අමාත්‍යාංශය ඉදිරිපිට රැකියා විරහිත උපාධිධාරීහු සත්‍යග්‍රහයක නිරත වූහ.

එහිදී එම අමාත්‍යාංශයේ අතිරේක ලේකම් අසංග දයාරත්න මහතා සමග පැවැති සාකච්ඡාවේදී මෙම පොරොන්දුව ලබාදුන් බවද එම සංගමයේ කැඳවුම්කරු පූජ්‍ය තැන්නේ ඥානානන්ද හිමියෝ අවධාරණය කළහ.

ඡායාරූප - එ්ෂාන් ප්‍රනාන්දු