නාමල් රිමාන්ඩ්
(UPDATE)
17.00 PM
මූල්‍ය වංචා දෙකක් සම්බන්ධයෙන් පවතින නඩු විභාග දෙකකට අදාළව අත්අඩංගුවට ගත් නාමල් රාජපක්ෂ මන්ත්‍රීවරයා ලබන 22 තෙක් රිමාන්ඩ් බන්ධනාගාර ගතකිරීමට අධිකරණය නියෝග කළේය.
ඡායාරූප - ශමීර රාජපක්ෂ
16.00 PM
පොලිස් මූල්‍ය අධිකරණය විසින් අත්අඩංගුවට ගත් පාර්ලිමේන්තු මන්ත්‍රී නාමල් රාජපක්ෂ මහතා කොළඹ මහේස්ත්‍රාත් අධිකරණයට රැගෙන ආවේය. මූල්‍ය වංචා දෙකක් සම්බන්ධයෙන් පවතින නඩු විභාග දෙකකට අදාළව කරනු ලැබූ ප්‍රශ්න කිරීම්වලින් අනතුරුව මන්ත්‍රීවරයා අත්අඩංගුවට ගැනීමට පොලිස් මූල්‍ය අපරාධ ඒකකය අද (15දා) කටයුතු කළේය.
ඡායාරූප - ක්‍රිශාන් රණසිංහ
13.20 PM
ප්‍රකාශයක් ලබා ගැනිම සඳහා පොලිස් මූල්‍ය අපරාධ ඒකකයට පැමිණි පාර්ලිමේන්තු මන්ත්‍රී නාමල් රාජපක්ෂ මහතා එම ඒකකයේ නිලධාරින් විසින් අත්අඩංගුවට ගෙන තිබේ.
හෙලෝ කෝප් සමාගමට අදාළ කොටස් රුපියල් මිලියන 125ක් වැය කරමින් මිලදී ගැනීමේ සිද්ධියක් සම්බන්ධයෙන් මෙසේ මන්ත්‍රීවරයා අත්අඩංගුවට ගෙන ඇත.
12.14 PM
පාර්ලිමේන්තු මන්ත්‍රී නාමල් රාජපක්ෂ මහතා මේ වන තෙක් අත්අඩංගුවට නොගත් බව ඔහුගේ නීතිඥ ප්‍රේමනාත් දොළවත්ත මහතා පැවැසීය. කෙසේ වෙතත් මන්ත්‍රීවරයා තවමත් පොලිස් මූල්‍ය අපරාධ ඒකකය අතුළේ ප්‍රකාශ දෙමින් සිටින බවත් ඔහු පැවැසීය.
මේ වන විට ඇතැම් මාධ්‍ය මන්ත්‍රීවරයා අත්අඩංගුවට ගෙන ඇතැයි තොරතුරු වාර්තා කරන බවත් එවැනි අසත්‍ය ප්‍රකාශ කිරීමෙන් නීතියේ ආධිපත්‍යයට බලපෑම් ඇති වෙන බවත් ඔහු කීවේය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
