ජනපති - මැලේසියා අගමැති හමුවෙයි

- 17 12 2016 - 08:12 - {{hitsCtrl.values.hits}} views - අද කර්තෘ මණ්ඩලය

මැලේසියාවේ තෙදින නිල සංචාරයක නිරත ජනාධිපති මෛත්‍රීපාල සිරිසේන මහතා සහ මැලේසියා අග්‍රාමාත්‍ය අබ්දුල් රසාක් මහතා අතර නිල හමුව ඊයේ (16දා) පෙරවරුවේ මැලේසියා අග්‍රාමාත්‍ය කාර්යාලයේදී සිදු විය.

ශ්‍රී ලංකා ජනාධිපතිවරයා පිළිගැනීමට ඉතා අලංකාරවත් පිළිගැනීමේ උත්සවයක් අග්‍රාමාත්‍ය කාර්යාල පරිශ්‍රයේ දී සංවිධානය කර තිබූ අතර හමුදා උත්තමාචාර සහිතව ඉතා අභිමානවත් අයුරින් එම පිළිගැනීම සිදු වූ බව ජනපති මාධ්‍ය ඒකකය නිවේදනය කරයි.

මෙහිදි ද්විපාර්ශ්විය ගිවිසුම් කිහිපයකටද අත්සන් තැබිය. සිය තෙදින නිල සංචාරය නිමවා ජනපතිවරයා අද (17දා) නැවතත් දිවයිනට පැමිණීමට නියමිතය.