තායිලන්තයෙන් ලංකාවට කුරුල්ලන් තිදෙනෙක්
ශ්රී ලංකාව සහ තායිලන්තය අතර සිදු කෙරෙන සත්ව හුවමාරු වැඩසටහනක් යටතේ " ද්විත්ව කරමල් කැසොවරි "
( Double Wattled Cassowary ) කුරුල්ලන් තිදෙනකු 07/05 දින රාත්රී තායිලන්තයේ සිට දෙහිවල සත්වෝද්යානය සදහා කටුනායක ගුවන් තොටුපොළ වෙත එවා තිබුණි.
මාස 09 ක් පමණ වයසැති පිරිමි කැසොවරි කුරුල්ලන් දෙදෙනෙකු සහ එක් කැසොවරි කිරිල්ලියක 07/05 දින රාත්රී 11.10 ට මැලේසියාවේ ක්වාලාලම්පූර් නුවර සිට මැලේසියානු ගුවන් සේවයේ එම්.එච්.- 179 දරන ගුවන් යානයෙන් කටුනායක ගුවන් තොටුපොළ වෙත එවා තිබුණි.
උස අඩි 05 ක් පමණ වැඩෙන , කිලෝ ග්රෑම් 60 ක් පමණ බරක් දක්වා වර්ධනය වන මෙම කැසොවරි කුරුල්ලන් ලෝකයේ නපුරුම කුරුල්ලන් ඝනයට අයත් වන ලෝකයේ දෙවන විශාලතම පක්ෂීන් කාණ්ඩයට අයත් වේ. ඉතාම වර්ණවත් මෙම කුරුල්ලන්ට අහසේ පියාඹිය නොහැකි වීම විශේෂත්වයකි.
මෙම සත්ව හුවමාරු වැඩසටහන යටතේ ශ්රී ලංකාවෙන් මීමින්නන්, කළු වදුරන්, රිළව්, වළිකුකුළන් සහ තවත් සර්ප විශේෂ කීපයක්ම යැවීමට සූදානම් කර තිබේ.
popular news
-
Kumar Thursday, 06 July 2023 03:08 PM
may kurullo denna bauddha thailanathaye sathunge siragedara sita bauddha yayi kiyana lankawe sira gedara maaru kalaadha.
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
