සී.එච්. පස්වැනි ජයත් ලබයි

ඩයලොග් අන්තර්සමාජ ලීග් රග්බි තරගාවලියේ සිය 5 වැනි ජයග්‍රහණයද වාර්තා කරමින් ගුවන් හමුදාව පරදා ලකුණු 28-12 ක ජයක් ලැබීමට සී.එච්. ඇන්ඩ් එෆ්.සී කණ්ඩායම සමත් විය.

දෙවැනි වටයේ තරගයක් ලෙස කොළඹ තුරග තරග පිටියේදී පැවති තරගයේ පළමු අර්ධය තුළ ගුවන් හමුදාවෙන් සී.එච්.ට කැපී පෙනෙන පීඩනයක් එල්ල වූ අතර ඒ අනුව එය නිමා වුයේ ලකුණු 10-09 ක් ලෙස සී.එච්. ඉදිරියෙන් පසුවෙමිනි.

කෙසේ වෙතත් දෙවැනි අර්ධයේදී සී.එච්. කණ්ඩායම සිය සුපුරුදු ආක්‍රමණශීලී ක්‍රීඩා රටාවට අවතීර්ණ වූ අතර එහිදී තවත් ලකුණු 18 ක් සිය ලකුණු පුවරුවට එක් කර ගැනීමට ඔවුන් සමත් විය.

සමස්ථ තරගයේදී සී.එච්. කණ්ඩායම ගෝල දිනුම් 2 ක්, උත්සාහක දිනුමක්  හා දඩුවම් පහර 3 ක් ආධාරයෙන් ලකුනු රැස් කළ අතර ගුවන් හමුදාව දඩුවම් පහර 3 ක් ආධාරයෙන් ලකුණු රැස් කළහ.

ඡායාරූප- ඕෂිත වරකපිටිය