ෂොන් ටෙයිට් ක්‍රිකට් පිටියට සමුදෙයි

ඔස්ට්‍රේලියා ක්‍රිකට් කණ්ඩායමේ වේග පන්දු යවන ක්‍රීඩක ෂොන් ටෙයිට් සියලුම ක්‍රිකට් තරග වලින් සමුගැනීම තීරණය කර තිබේ.

ඒ අනුව ඔහු ජාත්‍යන්තර ක්‍රිකට් පිටියෙන් හා පළමුපෙළ මෙන්ම ලීග තරගවලින්ද සමුගැනීමට නියමිතය.

ටෙස්ට් තරග තුනක්, එක්දින තරග 35ක් හා විස්සයි20 තරග 21ක් වෙනුවෙන් ෂෝන් ඔස්ට්‍රේලියා කණ්ඩායම නියෝජනය කර තිබේ.

පසුගිය ජනවාරි මස 08දා හොබාට් හරිකෙනේස් කණ්ඩායම වෙනුවෙන් සිඩ්නි තන්ඩුර් කණ්ඩායමට එරෙහිව ක්‍රිඩා කළ බිග් බෑෂ් ලීග තරගය ටේට්ගේ අවසන් ක්‍රිකට් තරගය වෙයි.

2016 වසරේ ජනවාරි මාසයෙන් පසුව ටේයිට්ට ඔස්ට්‍රේලියා කණ්ඩායම නියෝජනය කරමින් ජාත්‍යන්තර ක්‍රිකට් තරගයකට ක්‍රීඩා කිරීමට නොහැකි වී තිබේ.

“ ඇත්තටම මට තව වසර දෙක තුනක් ක්‍රීඩා කිරීමට අවශ්‍ය වුණා. නමුත් මේ තරුණ බාධකයත් සමගින් එය කිරීමට අපහසුයි. දැන් මට 34ක්. ඉතින් ඔබ බලාපොරොත්තුවන ආකාරයෙන් පිටියේදී දක්ෂතා දක්වන්න බැරිනම් එය අවසන් කරන්න අවස්ථාවයි”