ශ්‍රී ලංකාව ගැන මහේල ආඩම්බරයි

එංගලන්තයට එරෙහි තරගය පරාජයට පත්වුවත් එම තරගයේදී ශ්‍රී ලංකාව ක්‍රිඩා කළ ආකාරය පිළිබඳව තමාට ආඩම්බර බව ශ්‍රී ලංකා කණ්ඩායමේ හිටපු නායක මහේල ජයවර්ධන සඳහන් කරනවා.

කඩුලු හතරට ලකුණු 15ක් පැවැති තරගය ශ්‍රී ලංකා කණ්ඩායම පරාජයට පත්වූයේ ජයග්‍රහණයට අතපොවන මානයේ සිටය.

මෙහිදී ශ්‍රී ලංකා කණ්ඩායමට අඩුවක්ව පැවැතියේ හතරේ හා හයේ පහර දෙක තුනක් බවද මහේල සඳහන් කරයි.

ක්‍රික් ඉන්ෆෝ වෙබ් අඩවිය හා විස්තර විචාරයකට එක්වෙමින් ඔහු මේ බව සඳහන් කළේය.

මෙහිදී අදහස් දැක්වූ සංජය මන්ජේකාර්ද සඳහන් කළේ තරගාවලියේ තමන් නැරඹූ හොඳම තරගය එංගලන්ත - ශ්‍රී ලංකා තරගය  බවයි.

මෙම තරගයේදී මැතිව්ස්ගේ ඉනිම විස්සයි20 තරග ඉතිහාසයේ ශේෂ්ඨතම ඉනිමක් බවද මංජේකාර් සඳහන් කළේය.