ශ්‍රී ලංකා යොවුන් පිලට ලකුණු 105 ක පරාජයක්

සත්කාරක ශ්‍රී ලංකා යොවුන් කණ්ඩායම පරාජය කර පී සරා ඕවල් ක්‍රීඩාංගණයේ පැවැති පස්වැනි එක්දින තරගයෙන් ලකුණු 105 ක ජයක් ලැබීමට සංචාරක ඔස්ට්‍රේලියානු යොවුන් කණ්ඩායම අද (03දා)  සමත්විය. කෙසේ නමුත් තරග 2-1 ක් ලෙස ශ්‍රී ලංකා යොවුන් කණ්ඩායම තවමත් තරගාවලියේ පෙරමුණෙහි පසුවෙයි.

මෙහි පළමු හා දෙවැනි තරගයට වර්ෂාවෙන් බාධා ඇති වූ හෙයින් එම තරග දෙක අත්හැර දැමීමට සිදුවිය. ඒ හේතුවෙන් එහි දෙවැනි එක්දින තරගය වෙනුවට තවත් තරගයක් නැවත හෙට (04දා) පැවැත්වේ. එම තරගය තරගාවලියේ අවසන් එක්දින තරගය වන අතර, එම තරගය ශ්‍රී ලංකා කණ්ඩායමට ජයගැනීමට හැකිවුවහොත් තරගාවලි ජය හිමිවන අතර, යම් හෙයකින් පරාජය වුවහොත් තරගාවලිය ජය පරාජයෙන් තොරව අවසන් කරගැනීමට සිදුවෙයි. 

Cricinfo ලකුණු පුවරුව