ශ්රී ලංකා කණ්ඩායමෙන් අමුතු වැඩක්
ශ්රී ලංකාව සහ දකුණු අප‍්‍රිකාව අතර දිල්ලිහි ෆෙරෝෂ් ෂා කොට්ලා ක‍්‍රීඩාංගණයේදී ඊයේ (28දා) පැවැති තරගයෙන් පසුව පැවති මාධ්‍ය හමුවට ශ්රී ලංකා පිලේ කනිෂ්ඨතම ක‍්‍රීඩකයා වන ජෙෆ්රි වැන්ඩසේ සහභාගි කරවීමෙන් මාධ්‍ය හෑල්ලුවට ලක්කළේය.
මේ අවස්ථාවට ශ්රී ලංකා පිලේ ජ්‍යෙෂ්ඨ ක‍්‍රීඩකයකු සහභාගි නොවීම දෙස් විදෙස් මාධ්‍යවේදීන්ගේ විවේචනයට ලක්විය.
දකුණු අප‍්‍රිකාව තරගාවලියෙන් ඉවතට විසිවුවද එම මාධ්‍ය හමුවට නායක ෆෆ් ඩූප්ලෙසිස් එක්විය.
ශ්රී ලංකා පිල ලෝක කුසලාන තරගාවලියේ සහභාගී වන අවසන් මාධ්‍ය හමුවවීම නිසා ජ්‍යෙෂ්ඨතම ක‍්‍රීඩකයකු වන රංගන හේරත් විස්සයි20 ක‍්‍රිකට් පිටියෙන් සමුගැනීම ප‍්‍රකාශ කිරීමට මාධ්‍ය හමුවට සහභාගී වනු ඇතැයි විශ්වාසයෙන් ශ්රී ලංකා සහ විදේශ මාධ්‍යවේදීහු රැසක් මාධ්‍ය සාකච්ඡා ශාලාවට රැස්ව සිටියහ.
රංගන හේරත් ක‍්‍රීඩාංගණය තුළ රූපවාහිනී ආයතනයක සම්මුඛ සාකච්ඡාවකට සහභාගි වී පිටව ගිය අතර එහිදී පවසා ඇත්තේ එංගලන්ත සංචාරයට පුහුණුවීම් ආරම්භ කළ යුතු බවයි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
