වසර 09කට පසු ශ්‍රී ලංකාව පාකිස්තානයට පසුබසියි

සත්කාරක ශ්‍රී ලංකා කණ්ඩායම පරාජය කර පල්ලෙකැලේ ක්‍රීඩාංගණයේදී අද (07දා) අවසන් වූ තෙවැනි හා අවසන් ටෙස්ට් ක්‍රිකට් තරගයෙන් කඩුලු 07 ක පහසු ජයක් ලැබීමට සංචාරක පාකිස්තාන කණ්ඩායම සමත්විය. ඒ අනුව තරග 2 - 1 ක් ලෙස තරගාවලියේ ජය පාකිස්තානයට හිමිවූ අතර, අවසන් වරට 2005 වසරේදී ඔවුන් ශ්‍රී ලංකාවට එරෙහිව ශ්‍රී ලංකාවේදී තරගාවලි ජයක් ලබා තිබුණි.

පසුගිය සිකුරාදා (03දා) ආරම්භ වූ මෙම තරගයේ පළමුව පන්දුවට පහරදුන් ශ්‍රී ලංකා කණ්ඩායම පළමු ඉනිමට සියල්ලන් දැවී ලකුණු 278 ක් රැස්කිරීමට සමත්වූ අතර, ඊට පිළිතුරු ලෙස පාකිස්තාන කණ්ඩායමට සියල්ලන් දැවී රැස්කිරීමට හැකිවූයේ ලකුණු 215 ක් පමණි. කෙසේ නමුත් දෙවැනි ඉනිමේදී ශ්‍රී ලංකා කණ්ඩායමට සියල්ලන් දැවී රැස්කිරීමට හැකිවූයේ ලකුණු 313 ක් පමණි. ඒ අනුව පාකිස්තාන කණ්ඩායමට ලකුණු 377 ක් ඉලක්කයක් හිමිවූ අතර, එම ඉලක්කය කඩුලු 03 ක් පමණක් දැවී පසුකර යාමට පාකිස්තාන පිතිකරුවෝ සමත්වූහ.

ඡායාරූප ශාන්ත රත්නායක