රාජකීය විදුහල ලකණු 222ක් ඉදිරියෙන්

138 වැනි නිල් මහ සටනේ සිය පළමු ඉනිම ක්‍රීඩා කරමින් සිටින ශාන්ත තෝමස් කණ්ඩායම සිය පළමු ඉනිම වෙනුවෙන් කිසිවෙකු නොදැවී ලකුණු 33ක් රැස්කරගෙ සිටියි. තරගයේ කාසියේ වාසිය දිනාගත් තෝමස් කණ්ඩායමේ ඇරයුමෙන් මුලින්ම පන්දුවට පහරදුන් රෝයල් කණ්ඩායම සිය පළමු ඉනිම සඳහා ලකුණු 255ක් රැස්කළේය.

එහිදී ගනිත් සංදීප ලකුණු 42ක්, හිමේෂ් රාමනායක ලකුණු 41, කවිඳු මදුරසිංහ ලකුණු 38ක් හා පසිඳු සූරියබණ්ඩාර ලකුණු 35ක් රැස්කරනු ලැබීය. තෝමස් කණ්ඩායම වෙනුවෙන් කේ. පෙරේරා කඩුලු 5ක් හා පවිත් රත්නායක කඩුලු 2ක් දවාගත්හ.

පිළිතුරු ඉනිම ආරම්භ කළ තෝමස් කණ්ඩායම පළමු දිනයට තරගය නිමා කරන විට කිසිවෙකු නොදැවී ලකණු 33ක් රැස්කරගෙන සිටියි. රවිඳු කොඩිතුවක්කු ලකුණු 23ක් හා දිනුර ගුණරත්න ලකුණු 10ක් රැස්කරගෙන සිටියි. එස්.එස්.සී. පිටියේදී තරගය පැවැත්වෙයි. හෙට තරගයේ දෙවැනි දිනයයි.