ශ්රී ලංකා කණ්ඩායම හා ඔස්ට්රේලියා කණ්ඩායම අතර එස්.එස්.සී. පිටියේ පැවැත්වෙන තෙවැනි ටෙස්ට් තරගයෙන් පසුව පැවැත්වෙන සම්මාන ප්ර දානෝත්සවය සඳහා ශ්රී ලංකා කණ්ඩායමේ හිටපු සුපිරි ක්රීඩක මුත්තයියා මුරලිදරන්ට ශ්රී ලංකා ක්රිකට් ආයතනය නිල වශයෙන් ආරාධනා කළ බව ශ්රී ලංකා ක්රිකට් ආයතනයේ ලේකම් මොහාන්ද සිල්වා මහතා 'අද' ට තහවුරු කළේය.
ශ්රී ලංකාව හා ඔස්ට්රේලියාව අතර පැවැත්වෙන ටෙස්ට් තරගාවලිය ආරම්භවිමට පෙරතුව මුරලි ඔස්ට්රේලියා කණ්ඩායමේ පන්දු යැවීමේ උපදේශකයෙකු ලෙස කටයුතු කිරීම පිළිබඳව ශ්රී ලංකා ක්රිකට් ආයතනයේ සභාපති තිලංග සුමතිපාල මහතා විවේචනය කළේය.
ඉන් අනතුරුව මුරලිද ශ්රී ලංකා ක්රිකට් ආයතනයේ පරිපාලනය විවේචනය කළේය. කෙසේ වෙතත් දෙරට අතර පැවැති පළමු ටෙස්ට් තරග දෙක ජයගත් ශ්රී ලංකා කණ්ඩායම මේ වන විට වෝන් මුරලි කුසලානය හිමිකරගෙන තිබෙයි.