මුරලි ඔස්ට්‍රේලියාවට එක්වෙයි

ශ්‍රී ලංකා කණ්ඩායමේ හිටපු සුපිරි දඟපන්දු යවන ක්‍රීඩක මුත්තයියා මුරලිදරන් ඔස්ට්‍රේලියා කණ්ඩායමේ තාවකාලික පුහුණුකරුවෙකු ලෙස රාජකාරි භාරගෙන ඇත.

ඔස්ට්‍රේලියානු කණ්ඩායම හා පාකිස්තානු කණ්ඩායම අතර එළඹෙන ඔක්තෝබර් මාසයේදී පැවැත්වීමට නියමිත ටෙස්ට් තරගාවලිය ඉලක්ක කරගනිමින් මුරලිදරන් මෙසේ තාවකාලික පුහුණුකරුවෙකු ලෙස බඳවාගැනීමට ඔස්ට්‍රේලියානු ක්‍රිකට් ආයතනය කටයුතු කොට තිබේ.

මේ පිළිබඳව තහවුරු කරමින් මුරලිදරන් සඳහන් කර ඇත්තේ ඔසේට්‍රේලියා කණ්ඩායම දක්ෂ කණ්ඩායමක් බවත්, එම කණ්ඩායමට පාකිස්තානයත් සමග පැවැත්වෙන තරගාවලියේදී හොඳින් ක්‍රීඩා කිරීමට තමන්ට යම්තාක් දුරකට හෝ හැකිවනු ඇති බවයි.

ඒ.ඒ.පී. ඇසුරෙනි