නාවික- ගුවන් සටනේ ජය නාවිකයන්ට

ඩයලොග් අන්තර්සමාජ ලීග් රග්බි තරගාවලියේ ගුවන් හමුදාව සමග පැවති තරගයෙන් ලකුණු 10-00 ක ජයක් වාර්තා කිරීමට නාවික හමුදාව සමත් විය.

තරගාවලියේ 5 වැනි සතියේ තරගයක් ලෙසින් වැලිසර නාවික හමුදා පිටියේදී පැවති තරගය ආරම්භයේ සිටම තිබූ වැසි සහිත කාළගුණය හේතුවෙන් කණ්ඩායම් දෙකෙන්ම බලාපොරොත්තු වූ තරම් දක්ෂතා දැකගත නොහැකි විය.

කෙසේ නමුත් පළමු අර්ධය අවසන් වන විට ගෝල දිනුමක් සාර්ථක කර ගත් නාවික හමුදාව ලකුණු 07-00 ක් ලෙස ඉදිරියන් සිටියහ.

තරගයේ දෙවැනි අර්ධයේදී ප්‍රතිවාදී සීමාව ආක්‍රමණය කිරීමට ගුවන් හමුදාව කිහිපවරක්ම උත්සාහ කළද එය ව්‍යර්ථ වූ අතර නාවික හමුදාව දඩුවම් පහරක් සාර්ථක කර ගත්තේය.

නාවික හමුදාව තරගාවලියේ ලැබූ 4 වැනි ජය මෙයයි  

ඡායාරූප- ඕෂිත වරකපිටිය