දෝනිට තවත් තරුවක් අහිමිවෙයි

රයිසින් පූනේ සුපර්ගෙයින්ට්ස් කණ්ඩායමට ක්‍රීඩා කරන ඔස්ට්‍රේලියා කණ්ඩායමේ නායක ස්ටීවන් ස්මිත්ටද ඉන්දීය ප්‍රිමියර් ලීග තරගාවලියේ ඉතිරි තරග සියල්ලම අහිමි වී තිබෙනවා.

ඒ ඔහු මැණික් කටුවේ ආබාධයකට ලක්වීම හේතුවෙන්. පූනේ කණ්ඩායමට ක්‍රීඩා කරන සුපිරි ක්‍රීඩකයන් වන කෙවින් පීටර්සන්, ෆෆ් ඩු ප්ලෙසි, මිචෙල් මාෂ් යන ක්‍රීඩකයන්ටද අාබාධ හේතුවෙන් මීට ඉහතදී තරගාවලියෙන් ඉවත්වීමට සිදුවුණා.

මහේන්ද්‍ර සිං දෝනිගේ නායකත්වයෙන් යුත් පූනේ කණ්ඩායමයට ශ්‍රී ලංකාවේ තිසර පෙරේරා ක්‍රීඩා කරන අතර මෙවර තරගාවලියේදී ඔවුන්ට දක්ෂතා අතරට පැමිණීමට නොහැකිවුණා. ප්‍රසාද ලකුණු සටහනේ පූනේ කණ්ඩායම රැඳී සිටින්නේ හයවැනි ස්ථානයේයි.