චමරිට නායකත්වය

සංචාරක ඔස්ට්‍රේලියා කාන්තා ක්‍රිකට් කණ්ඩායම හා ශ්‍රී ලංකා කාන්තා කණ්ඩායම අතර පැවැත්වීමට නියමිත තරග හතරකින් සමන්විත එක්දින තරගාවලිය සඳහා ශ්‍රී ලංකා කාන්තා සංචිතය නම් කර ඇති අතර එහි නායකත්වය චමරි අතපත්තුට හිමිව තිබෙනවා.

ශ්‍රී ලංකා කාන්තා කණ්ඩායමේ නායිකාව වන ශෂිකලා සිරිවර්ධන ආබාධයකට ලක්වීම හේතුවෙන් චමරිට කණ්ඩායමේ නායකත්වය හිමිව ඇති අතර ප්‍රසාදිනී වීරක්කොඩි උපනායිකාව ලෙස නම්කර ඇත.

දෙරට අතර පැවැත්වෙන එක්දින තරගාවලිය එළැඹෙන 18 දා දඹුල්ල ක්‍රීඩාංගණයේ පැවැත්වෙන තරගයෙන් ආරම්භ වීමට නියමිතය. ඉන් අනතුරුව දෙවැනි තරගය එම ක්‍රිඩාංගණයේදීම 20දාත්, තෙවැනි හා සිවුවැනි තරග පිළිවෙළින් 23 දා හා 25 දා ප්‍රේමදාස පිටියේදීත් පැවැත්වීමට නියමිතය.

ශ්‍රී ලංකා සංචිතය - චමරි අතපත්තු (නායිකා), ප්‍රසාදිනී වීරක්කොඩි (උපනායිකා), ඩිලානි මනොදරා, නිපුණි හංසිකා, චමරි පොල්ගම්පොළ, ඒෂානු ලොකුසූරිය, උදේශිකා ප්‍රබෝධිනී, ඉනෝකා රණවීර, සුගන්ධිකා කුමාරි, අචිනි කුලසූරිය, ඉනෝෂි ප්‍රනාන්දු, ඉමල්කා මෙන්ඩිස්, අමා කාංචනා, හසිතා මාධවී