චන්දිමාල්ගෙන් වාර්තාවක්

බංග්ලාදේශ කණ්ඩායමට එරෙහිව ලකුණු 500ට වැඩි ප්‍රමාණයක් රැස්කළ පිතිකරුවන් අතර හොඳම සාමාන්‍යයක් සහිත පිතිකරුවන් අතර පස්වැනි ස්ථානයට දිනේෂ් චන්දිමාල් පත්විය. ඒ අද තරගයේදී ඔහු බංග්ලාදේශ කණ්ඩායමට එරෙහිව නොදැවී ලකුණු 86ක් රැස්කිරීමත් සමගිනි.

අද දිනයේදී චන්දිමාල් ක්‍රීඩා කරන තරගයත් සමගින් ඔහු බංග්ලාදේශයට එරෙහිව ටෙස්ට් තරග 6ට ක්‍රීඩා කරමින් ලකුණු 526ක් රැස්කරගෙන තිබේ. ඒ අනුව ඔහුගේ සාමාන්‍ය ලෙස 131.50ක්  ලෙස සටහන්වෙයි. ඔහු ශතක තුනක් හා අර්ධ ශතක දෙකක් රැස්කර තිබේ.

පාකිස්තානයේ මොහොමඩ් යූෂෆ් බංග්ලාදේශයට එරෙහිව ලකුණු 500ට වැඩියෙන් රැස්කළ හොඳම සාමාන්‍යයක් පවත්වාගෙන ගිය පිතිකරුවා වූ අතර ඔහු තරග පහකදී ලකුණු 503ක් රැස්කරමින් 251.50ක සාමාන්‍යයක් පවත්වාගෙන යයි.