කොල්කටා පෙරමුණ ගනියි

ඉන්දීය ප්‍රමියර් ලීග තරගාවලියේ ප්‍රසාද ලකුණු සටහනේ පෙරමුණ ගැනීමට ගෞතම් ගාම්භීර්ගේ නායකත්වයෙන් යුත් කොල්කටා නයිට් රයිඩර්ස් කණ්ඩායම සමත්විය. තරග හතරකදී එක් තරග ජයක් පමණක් හිමිකරගෙන ඇති කිංග්ස් ලෙවන් පංජාබ් කණ්ඩායම එහි අවසන් ස්ථානයේ පසුවෙයි.

තරගාවලියේ තරග හතරකට සහභාගිවී ඇති නයිට් රයිඩර්ස් කණ්ඩායම තරග තුනක් ජයගෙන ප්‍රසාද ලකුණු 6ක් හිමිකරගෙන සිටියි. ඊයේ රාත්‍රිෙය් පැවැත් තරගයෙන්ද කිංග්ස් ලෙවන් පංජාබ් කණ්ඩායම පරාජය කර කඩුලු හයක පහසු ජයක් වාර්තා කිරීමටද ඔවුහු සමත්වුහ.

තරග හතරකදී ලකුණු 226ක් හිමිකරගෙන ඇති කොල්කටා කණ්ඩායමේ නායක ගෞතම් ගාම්භීර් වැඩිම ලකුණු ප්‍රමාණයක් රැස්කර ක්‍රීඩකයන් අතර පෙරමුණේ පසුවන අතර තරග තුනකදී කඩුලු 6ක් ලබාගෙන ඇති රයිසින් පූනේ කණ්ඩායමේ රවිචන්ද්‍රන් අශ්වින් වැඩිම කඩුලු ප්‍රමාණයක් දවාගත් ක්‍රීඩකයන් අතර පෙරමුණේ පසුවෙයි.