කොදෙව්වෝ අයර්ලන්තයට පරදිති

වත්මන් පන්දුවාර 20-20 ලෝක ශූර බටහිර ඉන්දීය කොදෙව් කණ්ඩායම පරාජය කර ඊයේ (19දා)  ජැමෙයිකාවේ සබීනා පාර්ක් ක්‍රීඩාංගණයේ පැවැති පළමු විස්සයි 20 තරගයෙන් කඩුලු 6 ක ජයක් ලැබීමට අයර්ලන්ත කණ්ඩායම සමත්විය.

කාසිය වාසිය දිනා පළමුව පන්දුවට පහරදුන් කොදෙව් කණ්ඩායමට පන්දුවාර 20 අවසානයේ කඩුලු 8 ක් දැවී රැස්කිරීමට හැකි වූයේ ලකුණු 116 පමණි. එයට පිළිතුරු ලෙස අයර්ලන්ත කණ්ඩායම පන්දුවාර 19.1 අවසානයේ කඩුලු 4 ක් පමණක් දැවී ලකුණු 117 රැස්කර ජයග්‍රහණය සම්පූර්ණ කරගැනීමට සමත්විය.

නොදැවී ලකුණු 40 රැස්කරමින් කණ්ඩායම ජයග්‍රහණය කරා රැගෙන ගිය ඊ.ඩී ජොයිස් තරගයේ වීරයා ලෙස සම්මාන ලැබීය. ඒ අනුව තරග තුනකින් සමන්විත තරගාවලිය තරග 1-0 ලෙස ඔවුහු ඉදිරියෙන් පසුවෙති. දෙරට අතර මේ දක්වා තරග 3 ක් පවත්වා ඇති අතර, කොදෙව් කණ්ඩායම අයර්ලන්තය හමුවේ පරාජය වූ පළමු අවස්ථාව මෙය වේ.