කුරුණෑගල වොරියර්ස් දෙවැනි ජයත් ලබයි

ශ්‍රී ලංකා සුපිරි පන්දුවාර විස්සයි20 තරගාවලියේ දෙවැනි ජයත් වාර්තා කිරිමට මහේල උඩවත්තගේ නායකත්වයෙන් යුත් කුරුණෑගල වොරියස් කණ්ඩායම සමත්විය.

තරගාවලියේ ඔවුන් සහභාගීවූ දෙවැනි තරගය මෙය වෙන අතර ඔවුන් හමුවේ පරාජයට පත්වූයේ තිලකරත්න ඩිල්ෂාන් නායකත්වය දරණ හම්බන්තොට ටෘපර්ස් කණ්ඩායමයි. හම්බන්තොට කණ්ඩායම මීට පෙර සහභාගී වූ තරග දෙක ජයගෙන ප්‍රසාද ලකුණු සටහනේ ඉදිරියෙන් පසුවිය.

මුලින්ම පන්දුවට පහරදුන් හම්බන්තොට කණ්ඩායම ලකුණු 144ක් රැස් කළ අතර එම ඉලක්කය පන්දුවාර 19කදී කඩුලු හයක් පමණක් වැයකර පසුකර යාමට කුරුණෑගල කණ්ඩායම සමත්විය.

මෙම තරගයට තිලකරත්න ඩිල්ෂාන් ක්‍රිඩා නොකළේය. ටෘපර්ස් කණ්ඩායමේ ආරම්භක පිතිකරු ලෙස කටයුතු කරන සීක්කුගේ ප්‍රසන්න මෙම තරගයේදී සාර්ථක විය.