ඔස්ට්‍රේලියාව පළමු තරගය දිනයි

සංචාරක ඔස්ට්‍රේලියානු  කාන්තා කණ්ඩායම සමග දඹුල්ලේදී පැවති පළමු එක්දින තරගයෙන්  කඩුළු 4 ක පරාජයක් ලැබීමට ශ්‍රී ලංකා කාන්තා කණ්ඩායමට අද සිදු විය. තරගයේ කාසියේ වාසිය දිනා පළමුවෙන් පන්දුවට පහර දුන් ශ්‍රී ලංකාව  පන්දුවාර 24.4 ක් තුළදී සියළුම දෙනා දැවී රැස් කර ගත්තේ  ලකුණු 76 න් පමණි.

ඒ අනුව ලකුණු 77 ක ජයග්‍රාහි ඉලක්කයක් හඹා ගිය ඔස්ට්‍රේලියානු පිතිකාරිණියන් පන්දුවාර 15.4 ක් තුලදී කඩුළු 6 ක් පමණක් දැවී සිය ඉලක්කය සපුරා ගැනිමට සමත් වූහ.

ශ්‍රී ලංකාව වෙනුවෙන් මෙම තරගයේදී ඉනෝෂි ප්‍රියදර්ශණී හා  ඉමල්කා මෙන්ඩිස් අන්තර්ජාතික එක්දින වරම් දිනා ගැනිමට සමත් වූහ.

 මේ අනුව තරග 4 කින්  යුත් එක්දින තරගාවලිය තරග 1-0 ක් ලෙසින් ජය ගෙන ඉදිරියෙන් සිටින්නේ ඔස්ට්‍රේලියාවයි.

තරගාවලියේ දෙවැනි තරගය අනිද්දා (20) දඹුල්ලේදී පැවැත්වෙයි.