ඇන්ජලෝ පියවර දෙකක් ඉදිරියට

අන්තර්ජාතික ක්‍රිකට් කවුන්සිලය ඊයේ (25දා) නිකුත්කළ නවතම ටෙස්ට් පිතිකරුවන් ශ්‍රේණිගත කිරීම්වලට අනුව ශ්‍රී ලංකා ටෙස්ට් ක්‍රිකට් කණ්ඩායමේ නායක ඇන්ජලෝ මැතිව්ස් පියවර දෙකක් ඉදිරියට පැමිණෙමින් මේ වනවිට 11 වැනි ස්ථානයේ රැඳී සිටියි. එය මැතිව්ස් සිය ටෙස්ට් ක්‍රිකට් දිවියේ ශ්‍රේණිගත කිරීම්වල මෙතරම් ඉදිරියට පැමිණි පළමු අවස්ථාව වේ. මැතිව්ස් එංගලන්ත තරගාවලියේදී ශතක දෙකක් සමගින් ලකුණු 306 ක් රැස්කිරීමට සමත්විය.

මෙම ශ්‍රේණගත කිරීම්වල කුමාර් සංගක්කාර දෙවැනි ස්ථානයේ පසුවන අතර, මහේල ජයවර්ධන 14 වැනි ස්ථානයේ පසුවෙයි.
ඔවුන්ට අමතරව ශ්‍රී ලංකා කණ්ඩායම වෙනුවෙන් දෙවැනි ටෙස්ට් තරගයේ දෙවැනි ඉනිමේදී විශිෂ්ට පන්දු යැවීමක නිරත වූ ධම්මික ප්‍රසාද් ස්ථාන 20 ක් අභිබමවන් 55 වැනි ස්ථානය දක්වා ඉදිරියට පැමිණ ඇත. එමෙන්ම ශමින්ද එරංග ස්ථාන 04 ක් ඉදිරියට පැමිණ 23 වැනි ස්ථානයේ පසු වේ. ශ්‍රී ලංකා ටෙස්ට් පන්දු යවන්නන් අතර ඉදිරියෙන්ම සිටින රංගන හේරත් 08 වැනි ස්ථානයේ පසුවෙයි.

පළමු ටෙස්ට් පිතිකරුවන්  ‍දස දෙනා

1.ඒ.බී. ඩිවිලියර්ස් (දකුණු අප්‍රිකාව), 2. කුමාර් සංගක්කාර (ශ්‍රී ලංකාව), 3. ශිවනාරින් චන්ද්‍රපෝල් (බ.ඉ. කොදෙව්), 4. හෂීම් අම්ලා (දකුණු අප්‍රිකාව), 5. ‍ඩේවිඩ් වෝනර් (ඔස්ට්‍රේලියාව), 6. මිස්බා උල් හක් (පාකිස්තානය), 7. චේටේෂ්වර් පුජාරා (ඉන්දියාව), 8. මයිකල් ක්ලාක් (ඔස්ට්‍රේලියාව), 8. රොස් ටේලර් (නවසීලන්තය), 10. විරාත් කෝලි (ඉන්දියාව)

පළමු ටෙස්ට් පන්දු යවන්නන් දසදෙනා

1.ඩේල් ස්ටේන් (දකුණු අප්‍රිකාව), 2. රයන් හැරිස් (ඔස්ට්‍රේලියාව), 3. වර්නන් පිලෙන්ඩර් (දකුණු අප්‍රිකාව), 4. මිචෙල් ජොන්සන් (ඔස්ට්‍රේලියාව), 5. සයීඩ් අජ්මාල් (පාකිස්තානය), 6. ටිම් සවුති (නවසීලන්තය), 7. ආර්. අශ්වින් (ඉන්දියාව), 8. රංගන් හේරත් (ශ්‍රී ලංකාව), 9. පීටර් සිඩ්ල් (ඔස්ට්‍රේලියාව), 10. ජෙම්ස් ඇන්ඩර්සන් (එංගලන්තය)