අන්තර්පාසල් ලීග් කුසලාන ශූරතාව ඉසිපතනයට

ගල්කිස්ස ශා. තෝමස් විදුහල පරදා මෙවර සිංගර් අන්තර්පාසල් 20 න් පහළ  ලීග් රග්බි  තරගාවලියේ කුසලාන ශූරයින් බවට පත් වීමට කොළඹ ඉසිපතන විදුහල සමත් විය. ඒ අන්තර්සමාජ ලීග් රග්බි තරගාවලිය අවසන් කරමින් අද (18) කොලඹ සී.ආර්.ඇන්ඩ් ඒෆ්.සී. පීටියේදී පැවති තරගයෙන් ලකුණු 28-24 ක ජයක් හිමි කර ගනිමිනි. තරගයේ පළමු භාගය අවසන් වන විටදී ලකුණු 20-12 ක් ලෙසින් ඉසිපතන ක්‍රීඩකයින් ඉදිරියෙන් සිටිය අතර දෙවැනි අර්ධයේදී ශා.තෝමස් කණ්ඩායමෙන් ඔවුන්ට  දැඩි අභියෝගයක් එල්ල විය. ජයග්‍රාහී ඉසිපතන ක්‍රීඩකයින් ගෝල දිනුම් දෙකක් , එක් උත්සාහක  දිනුමක් හා දඩුවම් පහර තුනක් මගින් සිය ලකුණු රැස් කළ අතර  ශා.තෝමස් ක්‍රීඩකයෝ  ගෝල දිනුම් ගෝල දිනුම්  දෙකක් හා උත්සාහක දිනුම් දෙකක් මගින් ලකුණු පුවරුව ක්‍රියාත්මක කළ හ.

පසුගිය වසරේ අනුශූරයින් වූ ඉසිපතන විදුහල 2014 වර්ෂයේදී මීට පෙර අවසන් වරට මෙහි ශූරතාව දිනා සිටි අතර මෙම කණ්ඩායම්  දෙකම අවසන් තරගයට පිවිසියේ මෙවර ලීග් තරගාවලියේ අපරාජිතයන් ලෙසිනි.