ශ්‍රී ලංකා බේස්බෝල් සංගමයේ සභාපති ලෙස ඇවන්ට්ගාඩ් සමාගයේ සභාපති නිශ්ශංක සේනාධිපති මහතා පත්ව තිබේ. එම සංගමයේ වාර්ෂික මහා සභා රැස්වීමේදී මෙසේ ඔහු සභාපති ලෙස පත්ව තිබේ.

නොවැම්බර් 07දා පැවැත්වීමට නියමිතව තිබූ විජයබාහු මෝටර්ක්‍රොස් තරගාවලිය අවලංගු කළ බව යුද හමුදාව නිවේදනය කරයි.

ඇන්ඩ්‍රේ රසල්, ෆෆ් ඩු ප්ලෙසිස්, ඩේවිඩ් මාලන්, මන්වින්දර් බිස්ලා සහ ඩේවිඩ් මිලර් යන ක්‍රීඩකයන් මෙසේ තරගාවලියට එක්විය නොහැකි බව සඳහන් කර තිබේ.

(FactCheck) ’’2009 [sic, 2019] ශ්‍රී ලංකා මහ බැංකු වාර්තාවට අනුව ලංකාවේ කාන්තාවන්ගේ ශ්‍රම බල සහභාගිත්ව අනුපාතිකය, එහෙම නැත්තං female labour force participation rate එක, සියයට 34.5 යි. පිරිමින්ගේ ඒක සියයට 73යි… අපට තමයි අඩුවෙන්ම තියෙන female labour force participation rate එකක් ලෝකයෙන්ම තිබෙන්නේ.’’

ශ්‍රී ලංකා ප්‍රිමියර් ලීග තරගාවලියේ නුවර කණ්ඩායම ඉන්දීය සුපිරි නළු සල්මන් ඛාන්ගේ පවුල විසින් මිලදීගෙන ඇති බව ඉන්දීය මාධ්‍ය වාර්තා කරයි.

(Full Players Draft) ඒ අනුව ක්‍රිස් ගේල්, සහීඩ් අෆ්රිඩී, ෆෆ් ඩුප්ලෙසි, ඩේවිඩ් මිලර්, කාලෙස් බ්‍රැත්වෙයිට්. සොයිබ් මලික් ඇතුළු ක්‍රීඩකයන් මෙම තරගාවලියට ක්‍රීඩා කිරිමට නියමිතය.

ශ්‍රී ලංකා ක්‍රිකට් ආයතනය විසින් මෙහෙයවනු ලබන ‘ලංකා ප්‍රිමියර් ලීග්’ ක්‍රිකට් තරගාවලියට ක්‍රීඩා කිරීමට නියමිත ක්‍රීඩකයින් තෝරා ගැනීම අද (19) දිනයේ පැවැත්වෙනු ඇත. අන්තර්ජාල තාක්ෂණය ඔස්සේ පැවැත්වීමට නියමිත මෙම ක්‍රීඩක තෝරා ගැනීම ශ්‍රී ලංකා වේලාවෙන් ප.ව. 4.00 ට ආරම්භ වේ.

ශ්‍රී ලංකා ක්‍රිකට් ක්‍රිඩක මුත්තයියා මුරලිදන්ට දැනට විනාශයට පත්ව ඇති එල්.ටී.ටී.ඊ. සංවිධානයෙන් තර්ජනයක් එල්ල වන්නේ නම් ශ්‍රී ලංකා රජය ඔහුට ප්‍රමාණවත් ආරක්ෂාවක් ලබාදෙනු ඇති බවට තමන් විශ්වාස කරන බව ඉන්දීය හිටපු අමාත්‍ය, රාජ්‍ය සභා මන්ත්‍රී ආචාර්ය සුබ්‍රමනියම් ස්වාමි මහතා පවසයි.

’’කෝවිඩ්-19’’ වෛරසයේ ධනාත්මක රෝගී ලක්ෂණ පෙන්නුම් කරන පෘතුගාල පාපන්දු කණ්ඩායමේ නායක සුපිරි පාපන්දු තරුවක් වන 35 හැවිරිදි රොනාල්ඩෝ මේ වනවිට හොඳින් සිටින බවත්, ඔහු නිරෝධායන නීති අනුව සති දෙකක කාලයක් හුදකලාව කාලය ගතකරන බවත් පෘතුගාල පාපන්දු සම්මේලනය පෙරේදා (13දා) නිකුත් කළ නිවේදනයේ දැක්වෙයි.

ලොව සුපිරි පාපන්දු ශුරයෙකු වන ක්‍රිස්ටියානෝ රොනල්ඩෝ හට නව කොරෝනා වෛරසය ආසාදනය වී ඇති බව විදෙස් මාධ්‍ය වාර්තා කර සිටියි.

මෙහි තරග 23 මහනුවර පල්ලෙකැලේ පිටියේ හම්බන්තොට සූරියවැව මහින්ද රාජපක්ෂ ක්‍රිඩාංගණයේදි පැවැත්විමට නියමිතව තිබේ.

ශ්‍රී ලංකා යුද්ධ හමුදාවේ 71 වන සංවත්සර දිනයට (ඔක්තෝබර් මස 10) සමගාමීව ජාත්‍යන්තර ක්‍රිකට් ක්‍රීඩකයින් දෙදෙනෙකු වන තිසර පෙරේරා සහ දිනේෂ් චන්දිමාල්, අද (09) දින උදෑසන යුද්ධ හමුදාධිපති කාර්යාලයේ පැවැති කෙටි උත්සවයකදී මේජර් නිලයේ ලාංඡනයන් යුද හමුදාපති ලුතිනන් ජනරාල් ශවේන්ද්‍ර සිල්වා මහතා විසින් පළඳවනු ලැබිණි.

ශ්‍රී ලංකා ක්‍රිකට් ආයතනය සංවිධානය කරන එළැඹෙන පළමු පෙළ සිවුදින ක්‍රිකට් තරගාවලියේදී ටැමිල් යූනියන් කණ්ඩායමේ නායකත්වයට ශ්‍රී ලංකා වේග පන්දු යවන ක්‍රීඩක සුරංග ලක්මාල් පත්කර තිබේ.

ජාත්‍යන්තර ක්‍රිකට් කවුන්සිලය (ICC) මෙරට හිටපු ක්‍රිකට් ක්‍රීඩකයන් දෙදෙනෙකුට සහ දක්ෂතා විශ්ලේෂකයෙකුට ලබාදී තිබූ තහනම ඉවත් කිරීමට වත්මන් ක්‍රීඩා අමාත්‍ය නාමල් රාජපක්ෂට බලයක් තිබේද යන්න සොයා බැලීමට ත්‍රිපුද්ගල කමිටුවක් පත් කර තිබේ.

ඇෆ්ගනිස්තානයේ සිදුවූ බෝම්බ ප්‍රහාරයකින් එරට ජාත්‍යන්තර ක්‍රිකට් විනිසුරුවරයෙකු වන බිෂ්මිල්ලාහ් ජාන් ශින්වාරි මරණයට පත්ව ඇතැයි විදෙස් මාධ්‍ය වාර්තා කරයි.

ඉන්දීය සමාජ මාධ්‍ය පරිශීලකයන් විසින් ඉන්දීය ක්‍රිකට් ක්‍රීඩක අසෝක් ඩින්ඩා දිගින් දිගටම හෙළාදැකීම හා සමච්චලයට ලක්කිරීමට එරෙහිව ශ්‍රී ලංකා වේගපන්දු යවන ක්‍රීඩක ඉසුරු උදාන සිය අප්‍රසාදය පළකර ඇත. ඇතැම් ඉන්දීය ක්‍රීඩාලෝලීන් ඉන්දීය ක්‍රිකට් කණ්ඩාය‍මේ හිටපු ‍වේගපන්දු යවන්නාව හෙළාදකිද්දී උදාන ඔහුව ඇගයීමට ලක්කර තිබේ.

‘නිරෝධායන අවශ්‍යතා’ ලංකා ප්‍රිමියර් ලීග් ආරම්භක කිරීමට නියමිතව තිබූ දිනය වෙනස් කළ බව ශ්‍රී ලංකා ක්‍රිකට් ආයතනය නිවේදනය කරයි.

ප්‍රංශ විවෘත ටෙනිස් තරගාවලියේ පළමු වටය අවසන් වනවිට ප්‍රබල ක්‍රීඩකයන් රැසකට තරගාවලි‍යෙන් ඉවත්වීමට සිදුවී ඇත

ශ්‍රී ලංකා ක්‍රිකට් ආයතනය විසින් සංවිධානය කරනු ලබන වයස අවුරුදු 23න් පහළ ක්‍රිකට් තරගාවලියේ තවදුරටත් අපරාජිත කණ්ඩායම් බවට පත්වීමට යුද හමුදා, කෝල්ට්ස්, එන්.සී.සී. හා එස්.එස්.සී කණ්ඩායම් සමත්වී ඇත. ඒ තරගාවලියේ ඊයේ (29දා) නිකුත් කරන ලද නවතම ප්‍රසාද ලකුණු සටහනට අනුවය.

තරුණ හා ක්‍රීඩා අමාත්‍යාංශය සහ ක්‍රීඩා සංවර්ධන දෙපාර්තමේන්තුව එක්ව සංවිධානය කරනු ලබන 46 වන ජාතික මහා ක්‍රීඩා උළෙලට සමගාමීව පවත්වනු ලබන මැරතන්/ තරඟ ඇවිදීම/ පාපැදි රේසිං (පිරිමි හා කාන්තා) තරඟ 2020 ඔක්තොම්බර් මස 10 සහ 11 යන දිනයන්හී කතරගම නගරය ආශ්‍රිතව පැවැත්වීමට අවශ්‍ය කටයුතු සංවිධානය කර ඇත.

හොඳ පුහුණුවක් හා කැපවීමක් ඇතිකරගෙන තමන් දිනූ ඔලිම්පික් පදක්කමට එහාගිය රන් පදක්කමක් දිනාගැනීමට අවශ්‍ය මඟ විවරකරගන්නා ලෙස ඔලිම්පික් රිදී පදක්කම්ලාභී සුසන්තිකා ජයසිංහ මහත්මිය පැවසුවාය.

ඩයලොග් ජනාධිපති රන් කුසලාන අන්තර් සමාජ වොලිබෝල් තරගාවලියේ ජ්‍යෙෂ්ඨ අංශයේ පිරිමි ශූරතාව ගම්පහ සියනෑ තරු ක්‍රීඩා සමාජය දිනාගත් අතර, එහි කාන්තා ශූරතාව රදාවාන ගෝල්ඩන් බර්ඩ්ස් ක්‍රීඩා සමාජය විසින් දිනා ගන්නා ලදී.

IBFF ශූරතාවලියක ශ්‍රී ලංකාවට හිමිවූ පළමු රන් පදක්කම හිමිකර දීමට ශ්‍රී ලංකාවෙ මහෙෂ් සිල්වා සමත්ව තිබේ. මෙම තරගාවලිය ස්ලෝවේනියාවේදී පැවැතියේය.

ඩුබායි හි පිහිටි ජාත්‍යන්තර ක්‍රිකට් කවුන්සිලයේ මුලස්ථානයේ සේවය කරන නිලධාරින් කිහිප දෙනෙකුට කෝවිඩ් - 19 වෛරසය ආසාදනය වී ඇති බව විදෙස් මාධ්‍ය වාර්තා කර සිටියි.

කොළඹ හොකී සහ පාපන්දු සමාජයේ (සී.එච් ඇන්ඩ් එෆ්.සී) නව පුහුණුකරු වශයෙන් ක්‍රීඩා අමාත්‍ය නාමල් රාජපක්ෂගේ බාල සොහොයුරු රෝහිත රාජපක්ෂ පත් කර ඇති අතර, කළමනාකාරිත්වයට ප්‍රථම වරට කාන්තාවක් පත් කර තිබේ. ඒ උදානි එදිරිසිංහයි. උදානි සැලකෙන්නේ මෙරට පළමු පිරිමි රග්බි ක්‍රීඩා සමාජ කළමනාකාරිනිය ලෙසයි.

2021 වසරේ ජපානයෙ පැවැත්වීමට නියමිත ඔලිම්පික් තරගාවලියට එක්වීම සඳහා පැමිණෙන සියලුම විදේශීය ක්‍රීඩක ක්‍රීඩිකාවන් පරීක්ෂා කිරීමට සැලසුම් කර ඇති බව ජපාන ඔලිම්පික් කමිටු සාමාජිකයෝ පවසති.

ලොව ප්‍රබලම පාපන්දු ක්‍රීඩා සමාජයක් වන ස්පාඤ්ඤයේ බාසිලෝනා කණ්ඩායම ඔවුන්ගේ ප්‍රබල ඉදිරිපෙළ ක්‍රීඩක ලුයිස් සුවාරේස් ඇත්ලටිකෝ මැඩ්රිඩ් කණ්ඩායම වෙත විකුණා දැමීමට එකඟ වී ඇත. බාසිලෝනා බලධාරීන් සුවාරේස් සමගින් සිදු කළ සාකච්ඡාවකින් අනතුරුව මෙම තීරණය ගෙන තිබේ.

ජාතික ක්‍රීඩා සංගම්වලට සහ ජාතික මට්ටමේ ක්‍රීඩක ක්‍රීඩිකාවන්ට යෝගා හඳුන්වාදීමේ ඇති හැකියාව පිළිබඳ සාකච්ඡාවක් ක්‍රීඩා අමාත්‍යාංශය, ක්‍රීඩා සංවර්ධන දෙපාර්තමේන්තුව සහ ප්‍රවීණ යෝගා ගුරු නන්ද සිරිවර්ධන මහතා අතර (22දා) ක්‍රීඩා අමාත්‍යාංශයේදී තරුණ සහ ක්‍රීඩා අමාත්‍ය නාමල් රාජපක්ෂ මහතාගේ මූලිකත්වයෙන් පැවැත්විණි.

ශ්‍රී ලංකාවේ රග්බි තරගාවලි පැවැත්වීමට ශ්‍රී ලංකා රග්බි සම්මේලනය සූදානම් බවත්, ඒ සම්බන්ධයෙන් ක්‍රීඩා අමාත්‍යාංශයේ බලධාරීන්ට ලිඛිතව දැනුම්දීමක් කළ බවත් ශ්‍රී ලංකා රග්බි සම්මේලනයේ නව සභාපති රිස්ලි ඉල්ලියාස් මහතා පැවසීය.